Video
3-min walk from Exit C2, Prince Edward MTR Station
continue reading
Telephone
92212245
Introduction
花膠雞米線專門店
continue reading
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
今日太子搵食. 因為我都係個飲湯怪. 勁鍾意飲湯.有間幾出名食雞濃湯嘅小店. 小店環境乾淨整潔，座位寬敞。朋友話佢地一到食飯時間,人龍就出現. 我就決定早少少唔使熱死辣辣喺隊排隊. 12點左右到已經有兩枱客. 坐低左姐姐俾個QR CODE 自助落單. 藥膳黃酒雞湯米線 $68每款湯米線都會有個小火爐 ,俾你邊食邊煮個湯底. 可以一直飲到熱辣辣嘅湯, 湯一定要滾熱辣咁飲先正. 加分! 米線分開上. 一盆勁香醇酒味嘅湯底就喺火爐都繼續加熱. 濃郁藥材味. 內裡用料足紅棗當歸川芎木耳滋補藥材。雞件勁多而且好滑好出色 , 仲有花膠4-5塊，真係估唔到咁多料. 個湯好香濃鮮美, 米線Q彈, 最後我係飲曬D湯. 麻藥雞伴麵 $58 呢個係紙 Menu 無, 要喺QC 落單到先見到. 朋友想試下特別野. 真係有驚喜. 一大隻雞脾上. 勁香嘅麻油味. 麻辣豬耳 $38 — 外脆內嫩, 口感爽脆彈牙，加秘製麻辣醬汁，好惹味。金磚豆腐 $42 — 熱辣辣 金黃酥脆 外脆內軟， 內裡好軟滑。 癡膠雞 (太子)地址: 太子荔枝角道78-84號勝興樓地下D號舖
continue reading
⭐️今次介紹下我最近成日去太子既米線食堂☺️癡膠雞金磚豆腐$42酥脆外層炸到金黃色，裡面係滑嘟嘟既嫩滑豆腐，配埋泰式酸辣醬，係好開胃小食佳品，唔錯👍🏻日本芝士年糕$32年糕勁軟糯搭配濃郁芝士餡🧀，味道濃郁醇厚，口感層次豐富，必點之作😋😋濃雞湯時蔬$28雞湯濃郁，叫個時蔬解下膩，娃娃菜新鮮又爽口👍🏻椰子🥥雞米線$60椰子雞個湯底好甜，冇咩味精味，老板比d 雞勁多，雞肉鮮嫩，米線🍜既份量都好鬼多，兩個女仔食都夠，我同個朋友最享受就係飲埋個湯佢🤣🤣大推呢個👍🏻👍🏻柚子茶$4 茶香清雅，酸甜適中，解渴消暑，唔差柚子梳打$15夏日熱辣辣，叫杯柚子梳打，清新爽口，微酸微甜，正👍🏻👍🏻🏠環境：7/10🌟味道：8/10💰性價比：8/10 🙇🏻♂️服務：8/10📍癡膠雞 太子荔枝角道78-84號勝興樓地下D號舖#hkfood#hkfoodie#852food#foodahoilc007#太子#太子美食#荔枝角道#米線控#癡膠雞#yummy#相機食先
continue reading
介紹返💁🏻♀️。。🇭🇰 雞湯米 在太子 🇭🇰。癡膠雞 Crazy Chicken。勝興樓地下D號舖。胡椒豬肚雞米線 Pepper Pork Belly Chicken Rice Noodle。HKD60招牌癡花膠雞 Chicken Fish Maw。HKD228 @ 全隻。HKD148 @ 半隻。HKD58 @ 一份椒鹽粟米 Pan Fried Sweet Corn。HKD32金磚豆腐 Pan Fried Tofu。HKD42咸檸七喜 Salted Lemon 7up。HKD16 @ 單點。HKD12 @ 跟餐白桃冷泡茶 White Peach Cold Brew Tea。HKD18 @ 單點。HKD12 @ 跟餐🤫 星期日兩條友仔出咗去太子嗰邊食咗個飯腳仔Mark低咗好耐話好想去試吓嘅雞湯米線作為我哋嘅Late Lunch..然後再行信和抽盲盒買漫畫😎🤫 講返間雞米先..佢個名好搞笑叫做癡膠雞😅大熱天時熱死辣辣飯腳仔都話要食雞湯米..我都有少少覺得自己癡膠雞🤪好在餐廳冷氣無限量供應..感覺就同開冷氣打邊爐一樣咁過癮😌🤫 老實..癡膠雞呢度地方就唔係好大㗎啦..不過勝在都乾淨企理..座位亦都唔算話太逼夾..坐得都幾舒服嘅🤫 我唔鍾意食粥粉麵飯係人都知㗎啦(我自己覺得係人都知😆)所以我揀咗一份招牌癡花膠雞唔使跟米線..然後飯腳B就要個胡椒豬肚雞米線..外加一份金磚豆腐一份椒鹽粟米開心Share🤫 呢度先有一個讚..癡膠雞嗰啲雞全部都可以揀熱鍋上或者普通碗上..咁好似飯腳仔呢啲鍾意食新鮮滾熱辣..唔焫到個嘴都唔開心嘅人嚟講..咁就最正不過嘞..所以飯腳仔私底下即刻幫餐廳加咗兩分😅🤫 先介紹我嘅招牌癡花膠雞..一份只係需要五十八蚊平過半隻雞好多..但係份量依然好足..懷疑有四分一隻雞咁多雞件..而且啲雞肉確實係幾嫩滑..個湯底就更加係濃郁到不得之了..你睇相都會睇到嗰浸骨膠原封住咗個湯..然後花膠嚟講都冇慳住放..我起碼食到三四大嚿花膠..然後除咗雞同花膠之外仲有大量嘅蟲草花同埋雲耳等等配料..個人覺得冇粉都相當之飽肚🤫 飯腳仔嗰鍋驟眼望埋去唔係太感覺到有胡椒豬肚應有嘅顏色..但係原來飲落口嗰陣胡椒味都非常之出眾..相信如果冬天嚟飲呢一個湯一定超保暖..然後豬肚切成長幼條..個人覺得呢個切法都幾方便到食客..係欣賞嘅～當米線放埋落去熱鍋入邊之後成件事就更加豐富起嚟..食到飯腳仔津津有味🤫 小食方面..金磚豆腐份量都俾得幾多..而且炸得夠乾身夠脆口..唔覺唔覺就會越食越多嗰隻👍🏻另外椒鹽粟米更加係我個人大推..因為我欣賞佢哋嘅椒鹽粟米唔係炸到乾爭爭嗰種..咬落口依然食到入邊粟米應有嘅Juicy..再加上面頭些少嘅椒鹽相當之惹味..我同飯腳基本上係爭住食嘅😌🤫 最後嘢飲方面..都算係有好幾種特色飲品..至起碼有飯腳必揀嘅咸檸七..然後又有我去到邊都幾鍾意叫嘅白桃冷泡茶..都係嗰句～涼住冷氣..飲住凍冰冰嘅飲品..再食一個熱辣辣嘅雞鍋..嗰種反差係幾過癮嘅😆。。翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）。。
continue reading
一向熱愛探索地道美食,我最近嚟到位於太子嘅「痴膠雞 Crazy Chicken」, 聽到個名已經覺得好得意, 一於去試吓佢哋嘅招牌菜式。呢間餐廳位於熱鬧嘅太子, 地鐵站只需走5分鐘就到,非常就腳。入到店，環境乾淨整潔，座位寬敞。佢哋係用QR code自助點餐系統,睇咗menu之後,我發現佢哋有好多獨特又吸引嘅選擇, 未食已經好期待。我首先點咗佢哋嘅招牌「痴花膠雞濃湯米線」（$68）。湯頭濃郁鮮美, 落足好多花膠。米線質地軟身Q彈,同濃郁嘅湯頭完美融合,身為米線迷既我,覺得每一口都超級好味。呢間店有個特製嘅小火爐,可以保持湯頭嘅溫度,確保我一路享用都能感受到熱騰騰,濃郁鮮美嘅湯汁,實在好細心。然後,我朋友又試咗「胡椒豬肚雞米線」（$60）。呢道菜嘅特色就係湯底由豬肚熬製,帶有微微嘅胡椒香辣味,完全係人間美味。除咗米線,雞肉好鮮嫩,配搭Q彈米線, 簡直一絕。除咗米線,我仲試咗「麻辣豬耳」($38)同「黑松露薯條」($25)。麻辣豬耳外脆內嫩,帶有一股麻辣刺激嘅味道,令人一口接一口。而黑松露薯條就令我大大驚喜,薯條外酥內軟,淋咗濃郁嘅黑松露醬,好惹味! 最後,我仲點咗一杯「鹹檸檬梳打」(跟餐+12),清新可口,為整頓大餐劃上完美句號。「痴膠雞 Crazy Chicken」無疑係一間出色嘅花膠湯米線餐廳。從優質嘅食材到出色嘅湯底,再到細心周到嘅服務,每一個細節都透露出店家對美食嘅堅持。食物嘅價格都非常合理,性價比超高。我下次一定會再試埋其他款米線!
continue reading
成日上網見人推介癡膠雞餐廳既花膠雞湯米線，今日同朋友去太子打完波順路去左癡膠雞。遠處已經見到大排長龍，最後等左20分鐘。- 超牌花膠雞濃湯米線米線同湯底分開上，湯底一路加熱，保證新鮮滾熱辣，同時米線唔會係湯入面浸太耐而變得糊。湯底經過三小時熬製，鮮味十足，湯底唔油膩。花膠蛋白質豐富，口感爽滑。另外加$10升級做雞脾，雞件比想像中多，肉質超級嫩滑，絕對係clean bulk理想選擇👍🏻- 姬松茸竹笙花膠雞濃湯米線今次湯底比較偏向藥材味，湯底濃郁而冇味精。朋友冇升級做雞髀，但雞肉肉質一樣嫩滑，竹笙吸收晒湯底精華，非常好味😋- 麻藥蛋麻雀蛋係糖心狀態，伴隨淡淡嘅麻藥味道，一個人絕對可以食晒四粒😍終於明白點解大排長龍，米線嚟講係我心目中top 3🫡
continue reading