Video
5-min walk from Exit A2, Cheung Sha Wan MTR Station
continue reading
Telephone
95495595
Payment Methods
Other Info
Reward Dining Points
Above information is for reference only. Please check details with the restaurant.
Video
Photos
Lunch 12.00-15.00
+270
+32
朋友推介，長沙灣開左間正宗地道泰國菜，無論由廚房到門面，都由泰國人一手經營同包辦，長沙灣同深水埗居民，又多一個新選擇。餐廳唔算大，裝修骨子，充滿泰國風情味道。menu嘢食都幾多，價錢亦親民，我同朋友叫左小食、炒菜、主菜同特色菜式。泰式炸蝦餅：賣相幾好，剛炸起，熱辣辣。蝦餅食落香脆彈牙，點埋泰式甜辣就更好食。馬拉盞炒通菜：通菜炒得夠翠綠，有鑊氣，馬拉盞鹹鹹香香，整體味道辣辣地，又幾惹味。鐵板蠔仔炒蛋：份量多，炒蛋夠香，蠔仔新鮮，size唔細，入口軟軟肥美，好有蠔味，旁邊辣醬辣度都ok喎，配埋一齊食，唔錯。底鋪左芽菜，好爽口。鐵板用火keep住熱，唔會話一陣間就凍晒，呢D凍天氣食佢就最啱。泰式炒粉絲 (牛肉)：賣相吸引，除左牛肉，配菜有紅椒、青椒、洋蔥、椰菜、芽菜、雞肶菇同雞蛋，非常豐富，上面仲灑左花生碎。整體炒得幾香，夠味，炒粉絲唔會話炒到一舊舊，亦唔算多油，同樣夠鑊氣，配菜又夠爽口，少辣，幾好味。青檸梳打：青檸帶酸味，梳打甜味中和返，幾清爽。椰汁冰：椰汁味重，加左花奶味道較香，唔算話太多冰，好飲。
continue reading
朋友講深水埗開咗一間由泰國人主廚嘅泰國菜，聽講好好食，是晚就同朋友嚟試下。大概七點多來到，門口等緊兩枱，同埋幾個人等緊外賣，店員告知大概等15分鐘左右啦。小店只有12個座位，想食好嘢真係需要啲耐心😆⭐菠蘿海鮮炒飯全部餸菜都係即叫即炒，製作需時，第一樣上枱嘅係菠蘿炒飯，賣相都唔錯呀😋菠蘿香甜，腰果香口，入邊仲有啲大蝦、魷魚、三色豆等同炒，炒得乾身唔油膩。⭐燒豬頸肉叫咗一份燒豬頸肉，份量幾大喎，豬頸肉本身有油水，燒起上黎好甘香，點埋個酸酸辣辣嘅秘製醬汁勁好食👍⭐串燒併盤併盤有六串串燒，牛、豬、雞每樣兩串，雞肉軟腍，豬肉肥美，牛肉略乾身，全部大大串，食起上黎有口感，個沙嗲汁好香好好味，讚👍⭐馬拉盞炒芥蘭本身點通菜，但賣曬就轉咗做芥蘭，揀咗馬拉盞炒，辣辣地好惹味，芥蘭爽脆甜，好食。⭐秦式凍奶茶 & ⭐青檸疏打再追加咗泰式凍飲，一杯凍奶茶同一杯青檸梳打，凍奶茶嘅糖水可以自己落，甜度自由控制。朋友點嘅青檸梳打入口實在太有驚喜，超勁酸😂飲多幾啖又可以接受喎。叫埋嘢飲啱啱好過$350，可以儲到印花囉😘
continue reading
天氣開始轉凍，數緊秋冬to-do-list，發覺數漏泰國嘢比起夏天，凍凍地食泰國菜仲有feel，長沙灣呢間街坊泰國餐廳，舖頭細細，除咗堂食，都好多街坊外賣幫襯涼涼地嘅天氣梗係嗌鐵板蠔仔炒蛋，一上檯噴晒蒸氣，金黃炒蛋上有粒粒肥美滿溜蠔仔剁開炒蛋有爽身芽菜墊底，淋上辣醬，惹味非常見老闆娘咁推介炒飯，就嚟個豬頸肉飯，豬頸肉份量好多，塊塊到好爽彈，好有肉香，點辣醬更香炒飯真係好有鑊氣，不全然邪惡，都有大量菜蔬原本想嗌Phad Thai，但又想試吓泰國人整嘅船麵，就嗌牛船河，肉嘅種類同份量都多有牛腩、肥牛、牛丸等等，湯底精華入晒味，每一條河粉都變啡，啖啖香濃佢地嘅串燒都好值得一試，嗌咗沙嗲牛肉同豬肉，牛肉一啲都唔嚡，醃得好香豬肉勁爽口，點沙嗲醬真係好食到上癮燒雞翼大胃都鍾意食，燒全翼超級肥美，啖啖嫩滑入味青檸梳打就飲得多，粉紅色嘅就第一次飲，原來係士多啤梨味，顏色同味道都好泰國，有一大支梳打可以fill，所以唔怕太甜龍眼冰有得少甜，龍眼肉大大嚿，讚
continue reading
住在長沙灣的親友報料，在其住處附近開了一家泰菜小店「孖女廚房泰好味」，雖然，在店內找不到孖女，但廚師、侍應姐姐一眾都是泰國人，菜式自然正宗無懸念，專程走過來一嚐正宗泰味。雖然店子小小，大概坐到十多人而已，但裝修簡潔，卻充滿泰國風情，播着泰文音樂，甚有處身泰國之感。看到滿滿客人，加上不斷有人到來取外賣，就知小店的實力及受歡迎度。翻一翻餐牌，菜式多元化，而且，定價親民，加上泰國廚師主理，自然看高一線。先來一道「泰式柚子沙律」（$72），份量滿滿，大片大片的泰國金柚，清甜多汁，大蝦鮮爽富蝦鮮味，搭上腰果、紅蔥絲、炸椰子條，拌上自家秘製醬汁，酸香帶微微辣勁，口感豐富。本來想點客泰式蒸魚，但老闆娘說有款新菜式「泰式生蠔煎蛋」（$140），看到牆上的照片甚具睇頭，就立時轉為此菜式。果然童叟無欺，跟照一樣，非常大份，而且，內有很多蠔肉，每一隻也是蠔肉飽滿，濃濃蠔味，炒蛋亦都頗嫩滑，富蛋香，墊底有不少爽口的芽菜，伴上的辣汁十級辣，不要少覷。泰國咖喱一向甚受歡迎，所以，亦都揀了這一客「黃咖哩牛肉」（$63）來品嚐。咖喱香氣撲鼻，但味道不太辣，很適合我們；當然配上「泰式薄餅」（$39）那一份油酥香很美味，質感柔韌，搭上黃咖喱確有一份疊加效應，食味更上一層樓，加上咖喱裏面有很多牛肉，嫩滑可口，實在好配搭。餐牌後頁有很多泰式特飲，我們就選上「泰式奶茶」（$23）和「 青檸梳打」（$25），前者跟港式奶茶很不同，有茶香之餘，還滲出點點香料味道，而店家更放下整樽糖漿讓客人自由調教甜度；而後者味道非常清爽，搭配濃味的食物十分適合。真是不要少看店家鋪子小小，除了菜式選擇多，味道有水準之外，加上價錢相宜，份量超十足，性價比實在高。而兩位泰國姐姐侍應廣東話非常了得，又很有禮貌，態度和善，令到對整體服務的感覺很稱心。
continue reading
係長沙灣開咗地道泰國菜, 由廚房到門面, 都由泰國人一手經營同包辦; 舖面細細, 但我地6:30前到都已經有人係門口等緊枱及有幾個人等緊外賣, 小店只有12個座位, 想食好嘢真係需要啲耐心; 裝修雖然簡單, 但充滿泰國風情味道, 有枱泰國家庭仲邊食邊同老闆娘傾談, 好有泰國feel呀。餐牌上款式都幾多, 定價親民，我同老公叫左前菜, 小食, 炒菜, 主菜同飲品。泰式酸辣鳳爪 - $63老實同你地講, 佢餐牌個圖同真實係一樣, 貨真價實, 真係幾大碟同幾多料, 配菜生菜都多, 色彩好靚, 個汁酸甜配上香菜, 食落好清新, 鳳爪又非常入味又爽口, 比起我之前食過九龍城個啲泰國舖好食好多, 食唔停口。泰式炸蝦餅 - $75賣相都幾靚, 啱啱炸起, 熱辣辣, 好香脆。蝦餅食落香脆彈牙, 金黃色, 顏色好靚, 非常美味！點埋泰式甜辣就更好食。黃咖哩雞 - $63咖喱香氣撲鼻, 味道不太辣, 但咖喱醬汁很濃郁, 配埋泰式薄餅 - $39就啱哂; 薄餅油酥好香, 好美味, 質感柔韌, 加上咖喱裏面有很多雞肉, 又有三色椒, 洋蔥, 好惹味; 雞肉又嫩滑, 實在跟薄餅好配搭, 個汁配飯都可以呀!泰式炒通菜 - $55通菜炒得夠翠綠, 有鑊氣, 因用泰式炒法, 加咗麵豉, 甜甜地, 加了紅椒絲增添香味，好夠味呀!串燒 - $18 / 串串燒要咗牛同豬每樣一串試下, 豬肉肥美, 牛肉略乾身, 全部大大串, 又夠厚身, 肉質都嫩, 唔會燒到乾哂。肉都醃得好香好入味, 食起上嚟有口感, 個沙嗲汁好香好好味, 仲有少少花生粒, 好值得一試。青檸梳打 - $25青檸帶酸味, 梳打甜味中和返, 幾清爽, 食泰國野真係唔少得佢啦呀!
continue reading