Video
Opening Hours
Mon - Tue
09:30 - 21:30
Wed
Closed
Thu - Sun
09:30 - 21:30
Above information is for reference only. Please check details with the restaurant.
【大埔區】【小安南越南河粉】一個人喺大埔近太和嘅位置唔知食乜好，行經好多餐廳都冇乜感覺，已經有啲肚餓，見到呢間好似唔錯就走咗入去。入面都幾企理，唔會好侷或者有陣味，整整齊齊咁已經畀到好感我。環境上我要求真係好簡單，唔難做到。坐低就叫咗碗 $78 嘅「小安南火車頭湯河」，叫火車頭河嘅好處就係乜都有得食，諗都唔使諗。佢呢碗就有美國肩胛牛肉、牛丸、越式扎肉同埋雞絲，都幾多嘢。但係我有少少略嫌佢係偏細碗，預咗火車頭河係大大碗架嘛。味道上佢都唔錯嘅，啲食材正正常常，發揮出應有水準，都唔會話難食。講到自己咁餓，起碼都追加一款小食影張相畀大家睇，我就揀咗 $25 嘅「泰式魚餅」三件，佢釀咗好多辣椒喺入面，好辣，但係幾夾個魚餅，係好食嘅。之後我仲叫多個 $26 嘅「越南絲網春捲」四件，見佢貼咗出嚟，又平平哋咪食吓。炸到熱辣辣，幾好。嘢飲我飲 $48 嘅「鮮果牛油果沙冰」，係用心之作，牛油果味算濃嘅。咁樣食咗我 $177，我覺得以呢個質素嚟講唔算過份。。。（地址：大埔舊墟直街30號美利大廈地下10號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #foodies #globaleats #followforfollowback #love #eat #1am大埔區 #大埔 #太和 #小安南越南河粉 #小安南火車頭湯河 #美國肩胛牛肉 #牛丸 #越式扎肉 #雞絲 #泰式魚餅 #越南絲網春捲 #鮮果牛油果沙冰 #1am1024 #1ambackup
continue reading
靜靜座落在大埔角落的小店，卻有著名聲大噪嘅香濃湯底⁉️扎肉河粉- 一上檯見到有扎肉、有蘿蔔，暗喜左一下😏但原來扎肉薄得可憐😕不過欣賞有米香味嘅河粉，縱然湯底唔夠濃，都食得滿足😋小安南火車頭湯河｜美國肩胛牛肉｜牛丸｜越式扎肉｜雞絲- 可能我期望太高，我覺得同理想中嘅香濃湯底仲有一段頗長嘅距離😕香料味亦未見搶眼😕不過值得一讚，係牛肉同牛丸都靚料，爽口彈牙有肉味😙上湯白蘿蔔- 令人失望嘅小菜，先不論我覺得湯底唔夠濃啦，好明顯上湯同蘿蔔係上檯前先合體，兩種味道完全分離。而且蘿蔔偏爽，無甜味😕
continue reading
去開附近游水，嚟到呢間小安南越南河粉。餐廳入面嘅座位不多，要等咗5-10分鐘先入到去。餐廳主打越南風味菜式，除咗飯之外仲有湯河同撈檬，不過粉面類嘅餐點要加十幾蚊先有嘢飲，所以我揀咗食飯。我叫咗炸雞翼煎魚餅飯，雞翼同魚餅嘅份量都唔係幾多，不過加埋啲豉油汁都叫做夠餸飯食。雞翼炸得幾香同酥脆，入面嘅雞肉依然係嫩滑多汁。魚餅就正正常常，唯一挑剔嘅就係得兩嚿，份量好似太少。跟餐加咗杯凍奶茶，幾特別嘅係呢度嘅糖漿係自己加嘅，鍾意幾甜都可以自己決定。總括嚟講，因為大部份主食都要加十幾蚊先有野飲，所以性價比偏低，有啲可惜。
continue reading
冇諗過越南菜都有早餐食，嗰日阿媽嗌左個早餐，我就試佢普通湯河，湯底好入味好濃郁，但係食完唔會不斷飲水，應該唔會話好味精，河粉口感適中，而且餐牌都好多選擇，可以加唔同小食又有餐飲，係性價比唔錯嘅一間
continue reading
呢個星期嘅工作都好趕忙，昨晚好早就去瞓，一覺醒來好精神，個肚就好空虛，嗱嗱臨梳洗去食早餐😄呢間越南餐廳已經幫襯過幾次食午餐，味道唔錯👌今日就試吓佢哋嘅早餐，係咪都一樣好食。佢哋有6款早餐，5款係粉麵，1款係果仁紅莓甜麥皮。今日揀咗馬來沙嗲牛肉檬粉配煙肉煎蛋牛肉好嫩，完全食唔到鬆肉粉味，沙嗲除咗有濃濃香料味，仲有粗粒嘅花生碎，色香味都唔錯。完全唔同茶餐廳果種。煙肉煎得好香脆👍整體都唔錯唔貪快，肯花時間心思，食物水準唔會差，呢啲小店亦都值得幫襯
continue reading