Video
3-min walk from Exit L5, Tsim Sha Tsui / East Tsim Sha Tsui MTR Station
continue reading
Telephone
26685222
Opening Hours
Today
07:30 - 21:30
Mon - Sun
07:30 - 21:30
Public Holiday
07:30 - 21:30
Public Holiday Eve
07:30 - 21:30
Above information is for reference only. Please check details with the restaurant.
Video
Photos
椒鹽豬扒煎蛋豬油撈飯
+1K
+92
Recommended Dishes
今日去尖沙咀海港城shopping，晚飯決定離開商場出去搵嘢食，第一時間諗到亞士厘道嘅餐廳，經過一間「保頓冰室」懷舊嘅裝修被吸引著，餐廳地面鋪上一格格懷舊嘅瓷磚，一張張透明玻璃面嘅方形木枱，加上牆身貼上懷舊嘅海報，令你有時光倒流嘅感覺，以前嘅回憶返晒嚟，加上高質嘅食物，真係冇得輸。公司燴意粉用上冰室常用嘅材料，例如香腸，餐肉，火腿等等，跟意粉大兜亂，香濃嘅蕃茄醬汁將每一條意粉包着，口感一流，除此之外，意粉在鋪上煎蛋和漢堡扒，用料十足。椒鹽豬扒煎蛋豬油撈飯 出邊好少餐廳可以食到豬油撈飯，所以決定試吓。首先豬扒份量頗多，肉質嫩滑，椒鹽和辣椒嘅味道恰到好處。跟餐還奉上一支秘製醬豉油和一支豬油，芳香撲鼻嘅豬油加埋豉油跟白飯撈勻之後，將平平無奇嘅白飯昇華，令你食唔停口。紅豆冰椰汁和淡奶嘅份量剛好，跟紅豆攪勻之後，能帶出紅豆嘅鮮甜，唔係咁多間餐廳可以調校出咁高嘅水準。
continue reading
早幾日行開尖沙咀見到間懷舊茶餐廳，入面裝修都好似返咗以前既感覺，連地下既磁磚都係舊式個種😍😍啱哂而家好興既y2k感受青春😂#沙嗲牛肉麵 （$48） - 常餐係茶記必有既野，沙嗲味幾夠，牛肉冇出面既茶記拿到鬆哂，冧得嚟又有牛味😋😋餐包仲可以+$5 轉做菠蘿包，不過我哋為咗食雪糕菠蘿包就冇轉🤪#雪糕菠蘿包 （$38） - 冰火既感覺令人上癮，溫熱既菠蘿包加上脆脆既菠蘿皮，配埋雲呢拿雪糕😋😋兩者好夾甜度啱啱好😍😍#鐵板餐 （牛柳配大蝦 $168） - 有三款汁可以揀，牛柳可以揀5成/7成熟。建議揀5成就夠，鐵板既熱力會再煮熟咗㗎😎上鐵板個時，姐姐好細心叫我哋拎紙巾擋一擋👍🏻👍🏻牛柳既肉味濃郁 冇乜筋位👍🏻 大蝦彈牙仲有少少膏跟餐可以+$8 轉飲特飲 #忌廉溝鮮奶 #紅豆冰 ，好耐冇飲過忌廉溝鮮奶 係細過自己溝先會飲到。佢同樂天個款係唔同㗎，真係細個嗰陣咁😋😋個frd仲話想食炸髀😱😱 #炸髀配薯條 （$48） - 炸髀係粉薄炸得好香脆，薯條有坑紋粗薯😋😋雖然好熱氣但好好食，薯條仲有落少少淮鹽去吊味👍🏻
continue reading
今晚行開亞士厘道搵食，比我見到間好有特色嘅懷舊冰室，門面就有菠蘿冰蛋撻售賣，入到去裡面就有種懷舊冰室感覺，卡位感覺更強，玻璃枱面下攝住了餐牌，一望就望曬所有選擇，落單亦可利用qr code 掃瞄落單或請店員幫忙！這裡有必食推介豬油撈飯，雖然說食要健康，但佢地哩個食法可以由自己控制，所以可以做到少食多滋味，而配搭上我就選擇了馬蹄蒸肉餅煎旦豬油撈飯，加錢升級飲品做什果賓治，上枱大大碗飯，上面放滿了配料，有大大隻荷包蛋覆蓋住啖啖爽口馬蹄蒸肉餅，旁邊圍住有西蘭花及焦香酥脆豬油渣，食之前店員還加配兩支醬汁，一支是秘製豉油，一支豬油，兩樣再加埋入去個飯內一齊食，超級感動，如果怕可以落少少試試，可以再加！朋友就點了個美式雜扒鐵板套餐，包超濃味嘅羅宋湯，牛油餐包，而美式雜扒鐵板配了黑椒汁及跟薯菜，升級飲品變菠蘿冰落單先上湯同牛油餐包，鐵板製作需時，上枱份量十足美式雜扒由上而下有雞翼、煙肉、司華力腸、豬扒、雞扒，十分豐富，店員為客人淋汁，黑椒汁由上而下流到落鐵板個陣熱燙燙聲音十分清晰，黑椒汁氣味撲鼻！而跟餐薯菜就係傳統冰室大大條粗身薯條，加埋蕃茄汁入口真係好有feel!加埋杯透心涼菠蘿冰，完成將悶熱全消！不得不提這裡還有個超特色雪糕菠蘿包，在香脆菠蘿包中間放上兩個香滑雲呢拿雪糕球，一啖絕對不能完成入口，要用刀叉品嚐，又要在外脆內軟嘅情況盡快入口，感覺新鮮，絕對係消暑佳品！在這裡可以感受到冰室嘅情懷外，又可以懷舊一下，同埋食得飽飽！
continue reading
想體驗80年代港式茶餐廳嘅感覺, 一定要黎尖沙咀新開嘅保頓冰室! 隨著時間嘅變遷, 愈來愈多街坊小店執笠, 取而代之嘅係一間又一間嘅連鎖餐廳品牌..少左嘅係果份人情味🥲今晚我喺呢度搵番久違嘅老香港冰室果份懷舊嘅味道! 🥰 經典鐵板西冷牛扒餐, 可以揀黑椒汁、蒜蓉汁或者洋蔥汁, 套餐包一個牛油餐包、餐湯同一杯野飲! 加$8 就可以轉特飲喇！天氣咁熱忍唔住叫左杯懷舊椰汁紅豆🫘冰爽一下🤤大大粒香甜紅豆加入香濃嘅椰汁, 真係消暑佳品! 主角牛扒🥩放喺一塊燒紅左嘅鐵板上, 上枱時waiter將醬汁淋落塊牛上, 熱出到哂煙同發出吱吱喳喳嘅聲響…係穫氣啊! 而家好少地方食到咁正宗嘅鐵板扒餐👍🏻 塊牛扒大概7成熟, 牛肉質感厚實食得出冇落鬆肉粉, 採用嘅係優質靚牛❤️ 如果中意生D嘅記得落單時同waiter講聲! 除左配飯或意粉仲可以揀配薯菜! 薯條即叫即炸熱辣辣👍🏻跟住試埋呢到嘅另一款名物 - 豬油撈飯☺️ 章魚肉餅煎蛋飯～上枱時waiter會比埋一枝甜醬油同豬油, 大家可以按個人喜好同口味加入飯到撈黎食, 啖啖都係豬油嘅香味, 真係非常邪惡又令人欲罷不能🫣 肉餅口感好實在而在瘦肉偏多, 煎香後表面帶輕微焦香食落好惹味👍🏻 下次黎要試埋佢嘅常餐同雪糕菠蘿包! 聽我喺尖沙咀番工嘅朋友講, 呢間餐廳平日lunch hour成日都大排長龍, 所以話有誠意嘅優質餐廳一定會好生意, 因為香港人實在太識食喇🤗
continue reading
我最近去左一間餐廳個名同球隊保頓同名嘅保頓冰室，呢間冰室行懷舊風格，餐廳入面有好多懷舊既裝飾品，地磚更加係用左經典嘅綠白色磚仔，仲播住懷舊金曲，一行入間餐廳真係好似返返去80年代咁🎬XO醬牛柳粒豬油撈飯 （$98）講到懷舊梗係唔可以唔嗌豬油撈飯啦，呢度嘅豬油撈飯係可以根據自己嘅喜好去決定落幾多豬油同豉油，唔驚唔夠豬油，用XO醬炒嘅牛柳粒味道濃郁，十分之惹味，配上自己調配嘅豬油撈飯，令人回味無窮，齒頰留香🤤鐵板西冷牛扒配薯菜（$138）另一冰室經典就係鐵板餐，鐵板一上枱已經「炸炸」聲，侍應會幫你落埋汁，仲會好貼心咁叫你用紙巾遮住自己，唔好俾啲汁彈到，西冷牛扒肉味濃郁，配上黑椒汁，簡直係經典絕配，薯條會另外上，唔驚同鐵板一齊上搞到腍晒，薯條脆卜卜炸得啱啱好十分之香口🥩菠蘿冰（跟餐加$8）菠蘿冰用上罐頭菠蘿，同兒時回憶一樣味道🍍🍹紅豆冰（跟餐加$12）紅豆份量足，唔會好甜，亦夠綿身，配上椰奶好飲🫘🥛雪糕菠蘿包（$38）見到隔籬枱嗌咗呢個雪糕菠蘿包睇落好吸引，忍唔住都嗌一個嚟試下，熱辣辣嘅菠蘿包配上雪糕就好似冰火兩重奏咁，感覺都幾特別，鬆軟嘅菠蘿包夾住雲呢拿味雪糕估唔到會咁夾，食完想再encore 呀😍呢間冰室位置方便，價錢都唔貴，下次可以帶埋阿爸阿媽過嚟感受下懷舊風😆
continue reading