Video
Exit A1, Tsim Sha Tsui / East Tsim Sha Tsui MTR Station, Exit L5, Tsim Sha Tsui / East Tsim Sha Tsui MTR Station, Exit F, Austin MTR Station
continue reading
Telephone
26829868
Opening Hours
Today
11:00 - 22:00
Mon - Sun
11:00 - 22:00
*Last Order: 21:15
Above information is for reference only. Please check details with the restaurant.
✨位於海港城分店的挽肉と米是香港第兩間的分店，今次終於試到了，第一次食真係好期待，我們已經預先透過網站付款後留位仲要準時到達先有位。如果大家沒有預先留位，需要現場排隊等有多餘的空位才可入坐。✨本餐廳是採用先付款後享用的方式，付款後就可以正式入坐，入坐後店員會先介紹食他們漢堡扒的三種不同的食法並有提供食法流程表给我們參考😱真係食三塊漢堡扒都好有研究😍✨️餐廳的坐位是圍繞住炭火燒烤爐，可以邊食邊睇住店員用心地製作和燒烤，真係香噴噴，望到已經好肚餓了。✨️餐廳推薦第一塊的漢堡扒是原汁原味地大大淡咁食，一咬落去第一淡就好多肉汁滲水黎，漢堡扒內的肉汁真係有好多，食每一口也感覺得到，真係又香又美味。✨️店員見到我地食完之後會主動問我也需唔需要加飯？我們也添飯了免費的，日本米真好食。好快又黎第二件漢堡扒，今次配以蘿蔔泥和自家裝柚子醋，個口感幾特別，柚子醋又同漢堡扒幾夾。食完第二件，我們又添飯了。之後，又來第三件漢堡扒，今次配生雞蛋一齊食，雞蛋需要自己在自助區自取和自己打落去，變成了他們推薦的生蛋拌飯了。✨️個人覺得只要件漢堡扒好食，用咩配搭也好吃。我們食了三件，件件都好多肉汁，好Juicy又美味。最後建議大家需預先預約訂位避免在現場排長龍吧，好食既，不仿一試👍📍挽肉と米📍尖沙咀廣東道3-27號海港城港威商場3樓3203-4及3204A號舖🕐營業時間: 11:00 - 22:00 (星期一至日)
continue reading
呢間日本過江龍餐廳出名要排隊嘅「挽肉之米」，真係想試好耐啊，於是就book咗今日喺尖沙咀分店度食！賣相：漢堡扒整得好精緻，金黃色嘅外皮，睇見都流口水！ 口感：肉質超嫩，一咬落去啲肉汁爆出嚟，鮮味十足。調味剛剛好，夠鹹香又唔會太油膩。 配料: 通常會跟雞蛋同自家製醬汁，食落更加有層次，味道更加豐富。 配搭：可以無限添飯，白飯同漢堡扒嘅濃味夾到絕！ 整體嚟講，呢間日本過江龍嘅漢堡扒真係值得推介，無論係口感定味道都好出色，食完仲會心思思想再encore！如果你鍾意日式風味嘅漢堡扒，呢度絕對係必試之選！
continue reading
呢間餐廳book mark咗好耐，終於有機會一試。是日平日過嚟晚餐，只有一個Menu（ $148 ）：每人有三舊漢堡扒，另加一碗麵豉湯，及任添白飯。另外加咗$35叫咗一杯檸檬梳打。一坐低，職員會細心講解前面每一款調味料嘅獨特之處及如何配合漢堡扒進食，服務周到。漢堡扒亦充滿肉汁，個人認為原味比加調味料更好味。略嫌其中一嚿燒得有啲燶，面頭有少許燒焦味道。總括用餐體驗不錯，性價比算正常，連埋嘢飲加一，$364。
continue reading
自從挽肉與米開張到依家開左兩間分店，網上一直有人討論到底好唔好食，同值唔值得排咁耐隊去食。今次係用牛角銀會員優先預約，我係早一個月左右預約既，book左尖沙嘴店星期日11:15am，當時睇見時間表都頗爲滿。今日我的1點鐘到店，前面已經有大概20人排緊一條隊逐漸入座，有個哥哥仔企係門口幫忙check in，人就幾靚仔不過態度就唔太積極啦，有幾組客人排左一陣隊先知原來要主動報到，同埋walk-in人士係要排另一條隊既，個哥哥仔都冇set好個指示牌，搞到d客態度明顯有d不滿。等左15分鐘剛剛好11:15分入座，入房前有哥哥仔帶領去點餐機落單俾錢先，然後再推開一大道門入座。餐廳係S型高凳吧枱，聽講有20幾個位置，兩個燒烤爐係正客人前面，距離大概一米半，一入門就見到雞蛋同薄荷檸檬水自取，仲有衣櫃可以自助掛起外套唔怕吸味。入座後感覺係幾舒服既，完全感受唔到燒烤味同埋熱浪，最後離開時成個人都冇咩吸味，呢樣確實抵讚。三分鐘後我既第一粒肉丸上菜啦，連埋半碗飯同埋麵豉湯。第一粒建議原汁原味就咁食，講真食落牛味好淡，肉質出奇地彈牙，少少似牛丸，同埋都幾多汁。但綜合黎講，我覺得真係冇乜特別，真係老麥安格斯包都好食過佢，起碼牛味濃郁好多先啦。試下加埋其他醬汁一起食，我覺得係檸檬醬同蒜粉最搭，一個解膩，一個提香，但整體都係好普通。第二粒肉丸等多左10分鐘，今次配醋蘿蔔絲同柚子醋，個醋汁本身味道都係普通，得淡淡地既酸味，容易入口，蘿蔔絲粗得黎冇蘿蔔既清甜，雖然可以解膩但對粒肉丸既味道冇提升。之後一粒肉丸唔知點解等得特別耐，應該有15分鐘，我見其他人都係淨係食蛋黃，我就蠢左當壽喜燒咁打勻左隻蛋當蛋汁點黎食都係嗰句，粒肉丸本身牛肉味就已經係淡，有蛋汁加持都只係好少少。最後總結：唔值得辛苦排walkin，埋單$162.8係咪值得book枱一試就睇個人啦。我都係返出去先啦
continue reading
餐廳位於港威中心，門面只有一塊黑色布，沒有招牌，不易於尋找。當天我們於5:15pm左右排隊進食，大概只需排隊半小時便可入座。進入餐廳後，要先俾錢，然後店員非常詳細地講解各款醬汁同每塊漢堡扒嘅食法，服務十分周到。價錢為每位$138 +1。漢堡扒非常美味😋，店員推薦三種食法，第一塊應該就咁食，第二塊則應該加自製嘅檸檬汁同埋蘿蔔蓉，第三塊就配搭生蛋食。我最喜歡的食飯就係就咁食，食到漢堡扒嘅肉汁，非常美味！而呢度嘅飯係日本米，同我哋平時食開嘅非常之唔同，好味好多！強烈推薦大家嚟試吓呢間餐廳，俾百幾蚊一定冇投訴，仲有驚喜添。
continue reading