3
1
1
Video
Opening Hours
Today
08:00 - 21:30
Mon - Sun
08:00 - 21:30
Public Holiday
08:00 - 21:30
Public Holiday Eve
08:00 - 21:30
Above information is for reference only. Please check details with the restaurant.
Offers
-6%
King of Bun Cash Coupon
$47
$50
Video
Photos
+38
今日同朋友去咗屯門市中心一間新開咗唔耐嘅餐廳，有午市套餐，價錢合理。套餐包括前菜三選一、主菜同飲品，仲可以另外加錢追加小食。我哋兩個人各自點咗一個套餐，選擇咗小籠包、韭菜餃、擔擔麵同埋密椒雞扒配湯麵。首先，小籠包湯汁充足，溫度夠熱，咬落去就感受到濃郁嘅肉汁。韭菜餃亦都好好味。至於主菜，擔擔麵嘅湯底味道濃郁，麵條軟滑，食落去非常有口感。密椒雞扒配湯麵亦都唔錯，雞扒肉質鮮嫩，湯麵則係湯底清爽。我哋仲加咗一份生煎包，味道都唔錯，但係佢嘅底部唔係我哋平常食嗰種濃底。整體份量就唔算多，食完個餐都唔算好飽，不過，餐廳嘅服務態度非常好，員工好有禮貌。總括來說，呢間餐廳嘅食物質素唔差，值得一試！
continue reading
呢晚我哋揀咗去屯門新開嘅「堅信號生煎包」試試，位於屯門時代廣場北翼。由於係星期五晚，入座前等咗一陣，店內環境算唔錯，有種簡約清新的氛圍。呢次試咗佢哋嘅dinner set，另外加點咗生煎包同小籠包。餐廳主打上海點心同本幫小菜，適合鍾意上海菜嘅朋友。餐廳裝潢簡約，座位安排寬敞，雖然係周末晚餐時間，但整體氣氛舒適，唔會太嘈。1.堅信號生煎包 🥟生煎包係今晚嘅亮點之一！一上枱已經聞到陣陣香氣，咬開一啖湯汁四溢，鮮甜肉汁加上溫熱嘅包底，令人食指大動。不過包底略硬，似乎係翻煎過，影響咗口感。2.金箔蟹粉小籠包 🦀小籠包表面閃爍住金箔，賣相相當吸引。內餡鮮嫩多汁，蟹粉味道清香，包皮薄且彈牙。不過要小心啲食，因為包皮比較易穿，容易失手漏汁。3.涼拌小雲耳手拍青瓜 🥒呢道涼拌前菜感覺清爽，但味道偏平淡。青瓜爽脆，但雲耳冇乜特別嘅調味，試咗一兩啖就冇再食，感覺唔係太合我口味。4.上湯火腿娃娃菜 🥬娃娃菜煮得算入味，上湯味道唔錯，但份量偏少。火腿絲增添咗少許鹹香味，總體表現中規中矩。5.秘製豬扒上海粗炒 🍜呢道粗炒係餐中主菜，豬扒有少少驚喜，有叉燒嘅甜味，肉質亦算軟腍，咬落唔會太硬。至於粗炒嘅麵條，偏硬且味道淡，冇乜特別，感覺只係用嚟填飽肚。6.茉香綠茶 🍵最後飲咗杯茉香綠茶，熱茶嘅清香味適合飯後解膩，配搭得不錯，令整餐有個不錯嘅收尾。整體嚟講，堅信號生煎包同小籠包絕對值得一試，湯汁鮮甜，而且口感細膩。反而主菜表現平平，無論係粗炒嘅麵質定係娃娃菜都未達到預期標準。不過餐廳環境舒適，服務態度亦相當不錯，價格方面兩個人消費 $177，性價比幾高，適合想輕鬆享用一餐上海風味嘅朋友。
continue reading
本身諗住去h.a.n.d.s分店食～見屯門時代廣場 新開咗，好似順路啲 就去左食～都幾多人等位.生煎包係必食既～！🙂↕️🙂↕️🙂↕️入面好多肉汁～😮第一口要小心咬～否則會爆到周圍、成身都係！仲要啲肉汁係有啲熱！所以真係要小心啲～個底都煎得脆～ 不錯👍👍👍.酸辣湯都算大碗！係偏酸既～唔太辣。配料都幾足👌🏽👍.豬扒粗炒～豬扒非常淋～🤔🤔如果再濃味少少就好👍👍👍..蜜椒雞扒菜飯～菜飯👌🏽 多菜亦有味👍雞扒就麻麻～無乜味～單靠上面既汁～肉質都一般～.小龍包 中規中矩啦～
continue reading
去開屯門，今日蛋奶素日見到堅信號，之前食開佢哋嘅上海粗炒（走肉）今日望吓有冇其他嘢可以選擇先？見到有四川擔擔麵，問吓佢哋有冇得走肉？點知竟然有，有啲凍，所以都想食湯麵，決定嗌呢個！再加上午餐有小吃（剛剛好有得選擇拍青瓜陳醋貓耳仔）另外最近做開運動，想食多啲蛋白質所以加多隻滷水糖心蛋先講擔擔麵先，就算佢冇肉碎，花生醬夠濃都幾好食，不過個麵就腍咗少少至於小吃就差啲小雲耳唔夠入味，糖心蛋都唔夠糖心見到都覺得over cook 講真，而家糖心蛋，做得好，真係好基本，亦都唔係啲咩特別秘方先做到，呢個希望佢哋下次注意
continue reading
屯門時代廣場新開咗間堅信號生煎包，星期六早上9點幾見有位，入去一試佢個早餐，點知一試即中伏。叫咗個$50秘製豬扒配上海麵早餐，送熱飲。上到枱，比佢份量嚇親，係細到嚇親。從未見過上菜豬扒咁細塊，開頭第一眼以為佢比錯雞扒，但明明餐牌無雞扒呢個選項。睇返餐牌，張圖幾靚仔，塊豬扒成個碗邊咁闊，再對比下我果碗……果然相片只供參考，OK無下次☹️☹️☹️。上海麵正常味道，所謂秘製豬扒似叉燒醬醃出嚟嘅味，太甜，唔好食。$50咁嘅份量同味道，唔值。其他餐廳會有更好選擇，甚至配有煎蛋/腸仔/多士。呢間試一次夠了。
continue reading