Video
8-min walk from Exit A, Wong Tai Sin MTR Station
continue reading
Telephone
62789398
Opening Hours
Today
11:00 - 23:00
Mon - Sun
11:00 - 23:00
Above information is for reference only. Please check details with the restaurant.
Recommended Dishes
甚少嚟黃大仙唔想食黃大仙中心入邊啲連鎖餐廳見talkfood介紹過呢間幾有特色，決定試試掙扎咗一陣要菜飯定餃子🤣▶️ 招牌蒸餃 ($33/8隻)成個蒸籠上，好似小籠包咁，好打卡able餃子採用「柳葉式」包法，同一般餃子唔同🥟更能突顯餃子皮煙靭口感每粒餃子唔算巨大，不過皮薄餡料正餡料由韭菜、紅蘿蔔、新鮮豬肉、香蔥攪拌而成😋豬肉食落嫩而不韌，調味適中而不油膩當中韭菜味道最突出，香蔥爽脆蒸餃好處係皮薄都唔驚易爛，唯一係乾爭少少，所以我有點醋汁食▶️ 胡麻醬拌麵+ 上海豬扒 ($45+20)胡麻醬拌麵本身配有大量幼嫩雞絲同青瓜🥒食之前要撈勻，確保每條麵都沾滿胡麻醬汁胡麻醬汁份量足夠，味道唔會太鹹😋稀杰度黏得住麵條用上幼身上海麵，煙煙韌韌又掛汁整體似一個雞絲粉皮，只係面底唔同夏天食好清爽😌上海豬扒就一般般，唔算厚肉且未夠酥脆，勝在無骨🐷▶️ 凍陳皮山楂茉莉花茶 ($17)姐姐推介，梗係試吓好有誠意嘅一杯飲品，入面落足茉莉花、陳皮、山楂自家製而唔係茶包🍵飲落微甜，甜味自然，整體幾養生鍾意陳皮甘甜嘅味道👅-無論面定餃子都唔錯，感覺正宗地道欣賞全部自家製，食材新鮮服務都好好，姐姐好友善有笑容，仲同我吹水☺️叫我有興趣下次試埋菜飯環境舊少少，狹窄少少🤏🏻性價比高，今餐 ~$50/pax，份量夠飽，平民抵食！
continue reading
店內一個人都冇，都諗緊會唔會有伏。點咗個蒸餃，跟住聽到廚房啪啪聲，原來阿姐喺地下度"鄧"d餃出嚟。跟住同阿姐講我都係唔要喇，阿姐話蒸緊喇喎，我就話d餃喺地上處理所以唔要喇。佢話哦唔好意思，不過你d餃都唔係呢d。至於佢話即蒸嘅餃只係暖，唉希望唔會肚痛啦。
continue reading
自己係住呢頭嘅，所以經常都會去鳳凰邨搵嘢食，呢間望落都好似正常，所以就入去試吓啦，點知一試都難忘。首先叫咗一個米線啦，一個麻辣嘅米線，佢嘅米線質地就唔會話太硬啦，亦都唔會太腍，質地非常之可以接受嘅，但係呢就湯底就普普通通，唔會話非常之好飲。但係喺呢一度值得非常之推薦嘅係佢嘅燉湯，佢嘅款式呢就每一日都應該有唔同啦，但係呢佢係熱辣辣咁樣上，仲會有一個燉壺咁樣裝住，成件事係非常之滋補嘅感覺，而且個味道呢就好似屋企飲湯咁，唔會話飲完好口渴，好多味精嘅感覺，所以都好鍾意飲
continue reading
2pm後時間幫襯，客唔多唔使等位。檯面冇下午茶Menu，要問姐姐先會拿過來。叫咗碗擔擔麵、炸豬扒同豆漿。擔擔麵湯底唔夠濃郁、炸豬扒得半塊、豆漿正常。坐坐下越食越焗，原來全舖熄晒冷氣，連工包料$50，整體一般般
continue reading
雖然店舖位置較偏僻，但真係值得一試！首先係價錢方面，性價比極高！真心對比起外面嘅餐廳，呢間餐廳D野食真係好平！今次去試左D新野！😚有麻醬拌麵、招牌蒸餃、白菜豬肉水餃、燻魚如果去呢間店舖，一定要試吓佢地嘅手工水餃！餃子皮煙韌，而且仲好足料！有次仲見到老闆娘坐係到包餃子！真係人手製作！D水餃仲要係大大隻！食落鮮甜多汁！麻醬拌麵酸酸甜甜，認真開胃！自己另外都叫多左一杯熱嘅洛神花茶，冬天飲落真係成個人都暖笠笠！🥳至於燻魚就係老闆娘推介嘅，自己本身好少會係外面食魚，因為有骨，食落比較麻煩，但呢個燻魚食落完全無骨，仲要炸到好酥脆，再配埋表面酸酸甜甜嘅醬汁，真係開胃又好食！不過好可惜，自己本身唔係住黃大仙，好難得先食到一次！老闆娘成日都好熱情推介D招牌菜比我，所以自己每次去親黃大仙，都必定會幫襯呢間小店！🤤🤤
continue reading