Video
3-min walk from Exit C, Yau Ma Tei MTR Station; 彌敦道入口
continue reading
Telephone
21569407
21569406
Introduction
This Sichuan hot pot restaurant is designed in an IG-able palace style. The signature fragrant tallow soup base provides several spicy levels which are cooked with over 10 types of spices. Besides, it offers more than 80 kinds of hot pot ingredients and is good to enjoy an ice jelly after the meal.
continue reading
Additional Information
設有獨立VIP 房約10間, 包房服務請致電餐廳詳細查詢請
Opening Hours
Today
12:00 - 03:00
Mon - Sun
12:00 - 03:00
*放題時段: 12:00-17:00 & 22:00-03:00
Above information is for reference only. Please check details with the restaurant.
About Reward Scheme
Offers
值得推介俾大家一大班朋友去食，設計古色古香宮廷風裝修，另外有多個卡位，同埋特色房間，唔怕俾人騷擾，另外值得讚賞係傳菜姐姐好有禮貌，服務態度非常良好，菜式好多選擇，所以多啲人可以食多啲唔同款式嘅火鍋配料，而且仲有雪糕雪條供應！▪️ 招牌手切牛肉：牛肉超乎我預期，絕對好過火鍋餐廳好貴嘅牛肉，肉質新鮮脂肪分泌均勻，入口即溶美味指數:🌟🌟🌟🌟🌟▪️ 豬黃喉：之前喺出邊火鍋舖都係食牛黃喉，但係豬黃喉都係第一次食到，最啱本身唔係好食牛肉嘅朋友，而質地同牛黃喉冇乜分別，如果唔講都唔知道分別美味指數:🌟🌟🌟🌟🌟▪️ 黑魚片：本身唔係咁鍾意食魚，因為怕吞骨，但係朋友極力推介我食咗一舊，肉質都鮮嫩美味指數:🌟🌟🌟🌟▪️ 毛肚：另一樣必須要推介俾大家就係毛肚，其他麻辣火鍋嘅毛肚會切到好細片，所以食落冇乜咬口，但係呢度做法非常好，每片都有差唔多手掌咁大，所以食落去有口感可以慢慢咬美味指數:🌟🌟🌟🌟🌟▪️炸芋頭：傳菜姐姐送到嚟嘅時候除咗講趁熱食佢仲讚我哋好叻識得叫炸芋頭，佢話呢度嘅炸芋頭非常好味，食落脆卜卜仲好香芋頭味美味指數:🌟🌟🌟🌟🌟
continue reading
FD話想食特色麻辣火鍋，咁一定要book哩間宮廷店鋪啦。晚市好旺，full咗九成，要早少少book位。百香果檸檬茶，落咗兩種檸檬，飲落唔會好酸，淡淡甜味伴有百香果清香。太極鴛鴦湯底。拼咗麻辣湯同豬骨湯。豬骨湯落咗好多配料，青紅蘿蔔加豬骨一齊煲制，湯底飲落好清甜。精品肥羊（細），肥羊卷每一件都好厚身同埋大件。羊味好香，沒有膻味。羊肉中間嘅脆骨，食落好脆口好特別。杜洛克黑豚肉，豚肉分量好足，大大件有10多件。豚肉睇落好似好肥，白色部分食落只會覺得脆口，一D都唔油。老林腰片，腰片片得好薄身，燙到微卷已經可以食。腰片處理得好乾淨，唔會覺得腥，食落好爽口。鮮活鮑魚，雖然個頭唔算特別大，不過肉質飽滿。鮑魚新鮮，食落才會鮮甜彈牙。淮山，FD嘅最愛，淮山需要煮耐少少，口感微粉，好似食芋頭，都好特別。金針菇同茼蒿菜，最後都要食幾條菜才得。蔬菜嗦曬湯底味道，食落脆口鮮甜，全部食曬TIM。
continue reading
今晚左去油麻地廟街陪朋友占卜完後，就行去油麻地美食坊搵野食，朋話好耐無食重慶火鍋，就搭左上2/F。火鍋店裝修超有京劇感覺好多顏色好鮮艷一入去，去到尾仲有一個關公，旁邊有包廂位坐，非常適合傾心事或公事。喜歡漢服嘅朋友亦都可以喺門口度借用漢服打卡。火鍋店以QR 落單，行到尾有自助醬料區。茶位+八寶茶 黃色茶壺、杯載住，超有做皇帝嘅感覺。泡出來既茶都好濃味，飲落有菊花味同帶甜味，食完麻辣火鍋，都唔怕上火，夠清熱解毒。經典鴛鴦湯底（小火鍋）叫左「招牌紅油紅鍋」微辣同「高湯」麻辣鍋冇我喺重慶旅行時食過咁辣，但當煲得越耐嘅時候所有火鍋了煮熟後都非常之辣.九宮格諗唔到食咩可以叫個九宮格，仲可以叫來打卡。有昆布、蝦、鵝腸、牛丸、珊瑚蚌、牛栢葉等。肥牛呈一卷卷牛上檯，份量比較少，唔夠喉，可能要叫多份。肥牛脂肪比例均衡，唔會太肥，重牛味。杜洛克黑豚肉豚肉脂肪比例平均，好夠豬肉味食落好爽口。南非鮑魚非常新鮮煮熟後好爽同彈牙鵝腸鵝腸非常新鮮，只需60秒左右就可以食用非常爽口。土豆片薯仔非常新鮮咬落有薯粉，火鍋店將薯仔切到好薄片。放落火鍋內吸收所有湯底精華非常好食。淮山咬落非常爽脆食落有份非常新鮮開胃健康茼蒿菜好少食呢款菜，感覺幾特別百香果檸檬茶非常大杯、入面勁多檸檬可以補充維他命C。百香果亦好濃味，該店檸檬茶冇點加糖非常健康。
continue reading
-「一秒穿越，走入宮廷食火鍋」🤤呢度裝修真係好特別啊，一入去就聞到火辣辣嘅麻辣湯底香味，仲有宮廷漢服打卡體驗，大家可以去打卡。(*‘ v`*)火鍋最緊要湯底？🔥🌶️經典鴛鴦湯底♥️招牌牛油紅鍋 + 🤍高湯鍋底一次過滿足晒兩個願望，我本身好鍾意食麻辣，呢個小辣湯底真係好惹味，食落去屬於四川的麻辣，超級香濃，配合肥牛等肉類一流！🤍另一邊高湯鍋底好滋補，入面有紅棗、粟米、蟲草花.......配料方面都好豐富，用嚟煮油麥菜、蘿蔔等等都非常適合！🐃𣇉珺功夫牛非常透薄一片，輕微滾熟就可以食，入口肉質超嫩滑，配合招牌湯底，超ʏᴜᴍᴍʏ！🐔花雕雞件一入口真係食到浸浸嘅花雕味，唔好煮得太熟，否則雞肉會變得嚡口。🦑火箭魷魚外型超級吸引：真係好似一隻火箭，入口鮮嫩，但有少少爽口，呢隻款式嘅魷魚比較少見，配埋醬料更加好食！🥬蔬菜白蘿蔔 ：鮮甜可口 油麥菜 ：色彩翠綠，吸收大量湯汁精華就更好食。蓮藕片：清爽脆口鮮腐竹：比較厚身唔容易夾爛，屬於比較有口感的腐竹。🍋🍹百香果檸檬茶打邊爐一定要配飲品先爽，估唔到呢度都有手打檸檬茶，百香果非常清新，甜甜地可中和辣味，都幾好飲！💛 呢間餐廳環境好舒適，好適合一班friend過嚟聚會，10點後先有任食火鍋，平時晚飯時間就單點，麻辣火鍋都幾正宗，值得一食！
continue reading
穿越時空，走入古代宮廷中古香古色的麻辣火鍋宴席！餐廳以中國宫廷風為主題，一入門口就俾佢色彩繽紛嘅面譜同燈籠吸引，餐廳仲免費提供古代服飾俾客人著黎打卡影相！配合每個場景都系靚靚打卡位，餐枱卡位更好似御花園咁，木質彩色窗花配掛畫，更顯典雅。佢哋嘅火鍋選擇非常豐富，尤其系招牌太極鴛鴦湯底，無論打卡定係味道都係一流。一邊是招牌四川麻辣牛油紅鍋，香濃惹味，另一邊則是老壇酸菜金湯，酸香開胃。佢哋仲好細心準備咗辣油兜，如果唔想太辣，可以撈起一啲辣椒，睇上去好似係地獄級大辣，實際上都係可以變成BB辣，非常好！西班牙黑毛豬腩片肉質鮮嫩，脂肪分布均勻，不會過於油膩。放入熱騰騰的麻辣湯底中，瞬間吸收了湯汁的香辣精華，非常惹味。霸王牛肉（特辣）牛肉高質，經過用辣椒同香料腌製，牛肉吸收咗香辣的味道。當佢與湯底的麻辣相互融合，香麻嫩口，辛辣逐漸在舌尖蔓延，愛辣的朋友不能錯過！黑魚片選用新鮮的黑魚，肉質細嫩，色澤潔白，好適合用黎打邊爐，煮完都保持到鮮嫩口感。羊肉串，可以食住串燒等火鍋水滾，羊肉入味，外焦內嫩，口感唔錯。另外再嗌埋8秒土豆絲、御用糖心茲粑、蔬菜拼盤、小郡肝(雞腎仔）、稻庭烏冬(份），手打青檸可樂真係大大滿足！
continue reading