Video
Read full review
2025-01-20
0 views
算起來， 距離新年就只有不足半個月，大家想到同家人或朋友食去邊度食團年飯未？個人一直覺得海洋公園內的海龍王餐廳性價比好高，因為可以睇住超大水族箱內的海洋生物在游動，坐位間闊落寬敞，無須同人逼之餘，又無話分兩輪食，車位任泊，最重要係出入勁方便，尤其是港島區的朋友，係金鐘搭一個站就到，快過出旺角，但好奇怪，今時今日仲居然有人話好遠？其實只要六點後，去到海洋公園門口，同booth講聲話食飯，就會有專人帶妳入餐廳，如果有時間，仲可以四圍行一陣影下相。今次海龍王餐廳推出了《熊》運當頭賀年套餐$2380供四位用，加多位都不過是$595（未計加一及茶芥），使用優質環境友善海鮮。供應期由2025年1月29日至2月9日(每天由下午5時至8時30分)精美頭盤撈起煙三文魚撈起講明係意頭菜，當然要有儀式感，用上精美兩層食物簋奉上，一層是芝麻、柚子肉、芝麻醬、蔥花之類香口食物。另一層是新鮮三文魚，伴以紫椰菜、彩椒、甘筍條及青瓜絲。食用前把醬油及芝麻等倒落三文魚盒內，然後邊說著吉祥語及祝福句，再把食物「撈起」，過程好玩得來又充滿了儀式感，三文魚又肥美，祝大家年年有「餘」，「撈」起風生水起。家肥屋潤啖啖肉的感覺真
算起來， 距離新年就只有不足半個月，大家想到同家人或朋友食去邊度食團年飯未？
個人一直覺得海洋公園內的海龍王餐廳性價比好高，因為可以睇住超大水族箱內的海洋生物在游動，坐位間闊落寬敞，無須同人逼之餘，又無話分兩輪食，車位任泊，最重要係出入勁方便，尤其是港島區的朋友，係金鐘搭一個站就到，快過出旺角，但好奇怪，今時今日仲居然有人話好遠？
其實只要六點後，去到海洋公園門口，同booth講聲話食飯，就會有專人帶妳入餐廳，如果有時間，仲可以四圍行一陣影下相。
今次海龍王餐廳推出了《熊》運當頭賀年套餐$2380供四位用，加多位都不過是$595（未計加一及茶芥），使用優質環境友善海鮮。
供應期由2025年1月29日至2月9日
(每天由下午5時至8時30分)
精美頭盤
撈起
煙三文魚撈起
講明係意頭菜，當然要有儀式感，用上精美兩層食物簋奉上，一層是芝麻、柚子肉、芝麻醬、蔥花之類香口食物。
另一層是新鮮三文魚，伴以紫椰菜、彩椒、甘筍條及青瓜絲。
食用前把醬油及芝麻等倒落三文魚盒內，然後邊說著吉祥語及祝福句，再把食物「撈起」，過程好玩得來又充滿了儀式感，三文魚又肥美，祝大家年年有「餘」，「撈」起風生水起。
家肥屋潤啖啖肉的感覺真好，「冰燒三層肉」芝麻皮好香脆，五層肉相間分明，蘸點芥末味道更佳。
湯
福如東海
用上松茸、瑤柱、牛肝菌燉烏雞，湯色清澈，入口陣陣醇香，連烏雞肉都燉至軟稔，真係連湯渣都不錯過。
主菜
包羅萬有
作為賀年菜，又點可以無鮑魚？「蠔皇六頭鮑魚伴花膠」好有宴會菜的感覺，花膠扣至軟綿，六頭鮑魚又入味，醬汁不會太多，啱啱好。
鵲報佳音
所謂「無雞不成宴」，「脆皮炸子雞」真心覺得不錯，雞皮薄而脆，雞味稍遜是香港食雞通病，但在能力範圍內已盡力做到最好。
花開富貴近年出外用餐，都必定要有一碟菜蔬，今次「蟹肉扒時蔬」竟然用上了當造的豆苗，綠油油的看得出嫩綠，找不到挑剔的地方，單是這一碟我便可以掃光了。
先兆豐年單尾是「脆米鮑魚雞粒炒飯」，不單止粒顆分明，油份不多，鮑魚咬落Q彈，加入脆米更是令口感更添層次，見有人太飽吃不下，乾脆通通打包。
甜品
甜甜蜜蜜
甜品是「燕窩椰香南瓜露」，而非經常見到的湯圓，熱食下椰香味好出，又有燕窩的滑溜感，南瓜的甜美，小小的一碗，大大的滿足。
如意吉祥今次合時鮮果盤是以瓜類為主，配以龍珠果，清清地幾好。
就在此送上祝福，祝願大家蛇年「身壯力健」、「年年有餘」。
Post
