正潮樓

Open Now

Now Closed

一間中菜店既賣點，我覺得可以話係一種花長時間功夫，而有幾味獨特耍家，係出面食唔到既菜式，又抑或係一種情懷，一種人情味既小店。而呢間「正潮樓」就由國家級大師傅坐鎮，菜色貼地簡單但不缺乏功架既潮州菜館，正正就係我二訪既最大理由。👇🏻📌招 牌 推 介 -▪️ 脆 皮 九 肚 魚 - $168▫️ 打頭陣先嗌個「脆皮九肚魚」，就咁睇賣相正正方方，同平時食開既有d唔同，幾特別，外皮炸到金黃色，而炸漿做到好薄好脆，裡面魚肉夠嫩滑，淨係呢樣都贏左出面大部份餐廳，加分嚕！▪️ 芋 頭 炒 香 飯 - $128▫️ 呢個招牌「芋頭炒香飯」聽staff講好多人嗌，即刻忍唔住整返個，飯粒炒到相當乾身，煲底仲有飯焦，脆口又惹味；而芋頭質感又鬆又粉，完全唔係硬果隻，配搭d香菇、蔥花真係送飯一絕。▪️ 滷 水 鵝 片 - $168/例▫️ 最後不得不試「滷水鵝片」啦，以呢個價錢，鵝片份量公道既，鵝香突出，完全無腥膻味，而肉質唔會太實太韌，恰到好處，底部仲有D滷水豆腐，整體唔會太鹹，唔錯。