悅

Open Now

Now Closed

星期日，同屋企人去飲茶。坐低叫完嘢食，有個短頭髮女部長攞點心嚟。我地有老有嫩，傾緊偈，冇為意，突然俾佢大喝一聲：「你等我擺低埋啲嘢先啦！」然後佢怒啤我地，嘭嘭嘭掉低幾籠點心落檯。澳牛啲叔叔都溫柔過佢。原本我地都諗住算喇，一家人開開心心飲茶。點知佢又返嚟，繼續發脾氣，趁老人家夾緊餸嗰時轉張轉台、啲點心上嘅時候又响我地耳邊飛過，令人擔心安全。終於頂唔順，同經理投訴，唔好再俾呢個女部長埋我地檯。經理好客氣，送咗兩款甜品俾我地。不過差唔多$300/人飲個茶要一家大細咁受氣，真陰功。咁嘅價錢，同一區大把更好嘅選擇。