熊小館

Open Now

Now Closed

公司係magabox附近，我同一班同事幾乎食勻magabox既餐廳，之前疫情關係我叫過熊小館既外賣，相當抵食。今日決定試下熊小館既堂食，睇下有冇驚喜先！熊小館位於megabox既11樓，餐廳面積相當大，另外到處都見到熊公仔，門口甚至擺放兩個人形熊公仔，不過我地兩個男仔無乜感覺🤣相信細路仔嚟到應該雙眼發光✨餐廳推出二人套餐，只係$298。首先餐湯係忌廉湯配蒜蓉包。忌廉湯入面有雞絲，至於蒜蓉包幾香。前菜可以三選一，我哋揀咗法式蛋黃醬焗鮮蘆筍，蘆筍嘅爽脆加上酸酸甜甜嘅蛋黃醬，配搭一流，而且幾開胃。主菜有美國安格斯牛肩扒，牛味香濃，不過有少少筋，比較難咀嚼。薯條係我鍾意嘅厚度，配菜仲有粟米、蕃茄同老是常出現嘅露筍，非常豐富。卡邦尼煙肉扁意粉醬汁唔算太香滑，不過意粉軟硬程度剛剛好，煙肉嘅份量幾多唔吝嗇。甜品方面，今日精選甜品係雪糕一球，朋友加咗$18轉做心太軟😍餐廳云云特飲之中，我揀咗紅豆Pop Pop，比起一般紅豆冰不同嘅地方在於多一份焦糖香味，甜上加甜。雖然食完今餐要返公司OT，不過見到餐廳咁多得意嘅熊公仔🧸，我心情都變得冇咁難過。而且今餐都冇令我失望，性價比幾高。