Video
Read full review
2019-09-25
4968 views
除咗深水埗，九龍城亦喺另一個卧虎藏龍嘅小社區，早前就試過「Chapter Two」嘅麵包，趁今晚無飯開，約咗夏總傾吓波經，訴吓苦，而今晚到訪嘅小店「浜滝」，知道晌九龍城都頗有名氣，一樣喺家出色小店。夏總佢下個月中就會飛過日本鳥取玩，今餐就食日本串燒熱熱身啦。單睇門面，已好日本居酒屋風，踏入店內，裝修富心思，又充滿氣氛，天花掛住嘅旗幟隨冷氣飄揚，非常有旗海嘅感覺。咪睇室內好似唔喺好大，事後先留意到仲有二樓架，不過，就無上去望過。入門口時，已留意到門上貼有唔少日本產食材嘅認證，所以，對店家所用嘅食材更具信心。當然，做得出唔出色，都仲要睇埋師傅嘅手勢。翻一轉餐牌，食物嘅種類非常多，但一打開，竟然喺啲啤酒、燒酌、吟釀、梳打……等等行先。跟住就仲有刺身、大量佐酒小食、冷盤、特色推介、串燒、拉麵、鐵鍋飯、特選類理……等等。此外，仲有一張季節限定或時令食材嘅菜牌，以及數款鍋物。柚子蜜梳打 $25其實好簡單，只喺將柚子蜜加入梳打水，但開沖出嚟又幾好飲喎，味道清新，同平時熱飲柚子蜜嘅感覺好唔同。特大青檸梳打 $48果然特大，比我飲嘅柚子蜜梳打大一倍份量，夏總話酸香清爽，用嚟襯串燒、可樂餅，喺一流嘅選擇。
單睇門面，已好日本居酒屋風，踏入店內，裝修富心思，又充滿氣氛，天花掛住嘅旗幟隨冷氣飄揚，非常有旗海嘅感覺。咪睇室內好似唔喺好大，事後先留意到仲有二樓架，不過，就無上去望過。
入門口時，已留意到門上貼有唔少日本產食材嘅認證，所以，對店家所用嘅食材更具信心。當然，做得出唔出色，都仲要睇埋師傅嘅手勢。
翻一轉餐牌，食物嘅種類非常多，但一打開，竟然喺啲啤酒、燒酌、吟釀、梳打……等等行先。
跟住就仲有刺身、大量佐酒小食、冷盤、特色推介、串燒、拉麵、鐵鍋飯、特選類理……等等。
此外，仲有一張季節限定或時令食材嘅菜牌，以及數款鍋物。
柚子蜜梳打 $25其實好簡單，只喺將柚子蜜加入梳打水，但開沖出嚟又幾好飲喎，味道清新，同平時熱飲柚子蜜嘅感覺好唔同。
特大青檸梳打 $48果然特大，比我飲嘅柚子蜜梳打大一倍份量，夏總話酸香清爽，用嚟襯串燒、可樂餅，喺一流嘅選擇。
雞肉漢堡串（配日本蛋）$28先揀咗啲串燒嚟過吓場，邊飲邊傾。首先登場喺雞肉漢堡串，啲雞肉結實得嚟好鬆軟，沾上濃郁蛋香嘅蛋黃，配合埋啲醬汁，超好食。
雞肉漢堡串（配日本蛋）
$28
14 views
0 likes
0 comments
雖然話喺軟骨串，原來夾雜少少雞肉，所以，咬口得嚟，又有番少少肉感，唔會太寡，而啲雞軟骨確喺爽爽脆脆咁，整體嚟講，口感真喺幾得意。
雞胸軟骨串
$18
10 views
0 likes
0 comments
再嚟兩串唔同味道嘅雞肉串，放近前端喺大蔥雞肉串，雞肉好嫩滑，又富肉汁，而大蔥十分清爽，甚有青蔥嘅香氣；另一串嘅雞肉面面就唧咗啲自家製嘅柚子醬，柚子嘅香味堅突出，跟雞肉都好夾，頗討好嘅配搭。
大蔥雞肉串、柚子雞肉串
$22
9 views
0 likes
0 comments
連續幾串烤肉，換上一串燒冬菇緩衝一下。啲冬菇睇落燒到好似好乾咁，其實入口仲喺好多汁，絕無「乾爭爭」，並且好有菇香。
燒沖繩菠蘿 $28菠蘿喺小弟嘅喜愛食材，賣到28蚊串，感覺真喺幾貴，因為平常我買成個新鮮菠蘿返屋企切都喺廿蚊頭，不過，沖繩菠蘿未試過，就姑且一試。菠蘿燒到微暖，入口好清甜，好爆汁，更喺咬落無渣，喺好靚嘅原食材。
綾町屋葡萄豚可樂餅（兩件） $88因為見到佢哋門口掛住個「日本宮崎縣綾町屋葡萄豚」牌仔，好想知咩喺葡萄豚，所以，小試一下呢一道可樂餅。多年前對日食唔太認識，以為可樂餅有可樂成份，如果咁講當然被人笑啦，其實喺源一種自法國油炸嘢食Croquette，音譯就成為「可樂餅」，簡單講就即喺加料嘅烤薯餅。伴上大量蔥花，可以減去啲油膩度，而件可樂餅好脆口，至於啲豚肉好鮮甜，不過，你話好特別咩，小弟功力淺，又唔喺好食得出。
鐵鍋明太子三文魚飯 $88兩支公傾咗好多嘢，喺時候臨尾嗌個飯墊一墊，明太子三文魚飯相對無咁「肉感」，賣相唔好睇佢平平無奇，味道好有心思。三文魚面面淋咗一層明太子沙律醬，故此，入口酸酸鹹鹹，拌飯好正，三文魚又滑又香，兼帶少許油潤，飯粒熱辣辣，軟熟有飯香，簡單，卻做得有水準嘅一道鐵鍋飯。
鐵鍋明太子三文魚飯
$88
31 views
0 likes
0 comments
Post
