阿荔車仔麵

Open Now

Now Closed

🍜 自選兩餸特濃沙嗲沾麵沾麵底有出前一丁或手工拉麵選擇，小編當然諗都唔諗就揀左手工拉麵啦。🙌沾麵湯底就好似日本拉麵咁，上檯麵同湯底會分成兩碗，湯頭杰身帶陣陣濃郁沙嗲味，食落唔咸反而突出到沙嗲香味，入面仲加埋粒粒花生碎，比起一般出面茶餐廳食既沙嗲牛麵更加惹味。😋配料方面就揀左秘製牛筋牛肋腩、頭抽蠔皇花膠扒、辣玻璃魷魚及日本溏心蛋。牛肋腩食落啖啖肉，牛筋炆得夠腍夠入味，蠔皇花膠扒成隻手板咁大，咬落好腍就好似食緊啖啖骨膠原落肚咁，養顏女士必點之選阿！魷魚爽彈煮得剛剛好配埋秘製辣醬汁滋味阿。☺️🍜 經典車仔麵淨四餸平時唔想食麵底既朋友仔叫呢個就岩哂啦，淨四餸可以order四款，友人就叫左蠔皇花膠扒、牛柏葉、蠔皇冬菇、清甜蘿蔔，仲額外加多咗兩款餸分別係潮汕牛筋丸及粒粒墨魚丸，冬菇大大隻炆得又夠腍食落仲啖啖肉，蘿蔔食落無根且清甜，牛筋丸夠彈牙，湯底方面就另外加錢轉左胡椒豬肚湯底，飲落順喉，帶有少少胡椒香，整體唔錯唔錯。👍👍🥤 冷泡白桃烏龍茶自家製冷泡茶飲落夠冰凍仲帶有陣陣白桃香，鍾意飲無糖飲品既朋友仔就岩哂。🥰