Video
Read full review
2024-10-14
271 views
🍲 九品芝麻套餐 ($258)友人選擇左呢個「九品芝麻」套餐，每個套餐都分別有前菜、炸物、海鮮、肉類，丸類及蔬菜拼盤。前菜青瓜蟹籽沙律，蟹子卜卜脆拌埋爽脆既青瓜幾開胃。炸物就係章魚小丸子兩粒，熱辣辣咬落幾好味。重頭戲海鮮拼盤，分別有番薯蜆、沙白、魚腩片、鮑魚，貴妃蚌、蝦，款款海鮮都夠哂生猛新鮮，而且要講講每張檯都會貼住一張每款依材既蒸煮時間表，就算冇煮開野食既朋友仔只要依照時間就可以輕鬆煮到鮮味海鮮食啦。沙白及蕃薯蜆無沙蜆肉仲大大粒，食落鮮甜美味，鮑魚新鮮食落軟熟爽彈，蝦就食落爽口唔會霉。😉🍲 橫行無忌套餐 ($488)最驚喜既係竟然有大閘蟹食。😋😋 套餐與上者不同既係會有兩隻大閘蟹（公乸各一隻）及扇貝，由於以蒸氣形式煮熟，所以能夠保留到海鮮原有既鮮味而且確保到食物能夠均衡加熱，最緊要係食完唔洗洗碗。😈講返大閘蟹，入面都幾多蟹膏又夠甘香，蟹肉沾少少蟹醋就更加帶出鮮味。肉類方面就揀左安格斯牛肉以及豚肉片，牛肉肉味比較濃唔錯既，豚肉就偏向梅頭位夠腍既，仲有蔬菜以一人份量黎講係好足夠，一次已經可以試成四至五款，有生菜、娃娃菜、翠玉瓜、粟米、冬菇、南瓜，咁樣蒸蔬菜都係小編第一次試感覺都幾特別，
友人選擇左呢個「九品芝麻」套餐，每個套餐都分別有前菜、炸物、海鮮、肉類，丸類及蔬菜拼盤。前菜青瓜蟹籽沙律，蟹子卜卜脆拌埋爽脆既青瓜幾開胃。炸物就係章魚小丸子兩粒，熱辣辣咬落幾好味。
重頭戲海鮮拼盤，分別有番薯蜆、沙白、魚腩片、鮑魚，貴妃蚌、蝦，款款海鮮都夠哂生猛新鮮，而且要講講每張檯都會貼住一張每款依材既蒸煮時間表，就算冇煮開野食既朋友仔只要依照時間就可以輕鬆煮到鮮味海鮮食啦。
沙白及蕃薯蜆無沙蜆肉仲大大粒，食落鮮甜美味，鮑魚新鮮食落軟熟爽彈，蝦就食落爽口唔會霉。😉
🍲 橫行無忌套餐 ($488)最驚喜既係竟然有大閘蟹食。😋😋 套餐與上者不同既係會有兩隻大閘蟹（公乸各一隻）及扇貝，由於以蒸氣形式煮熟，所以能夠保留到海鮮原有既鮮味而且確保到食物能夠均衡加熱，最緊要係食完唔洗洗碗。😈
講返大閘蟹，入面都幾多蟹膏又夠甘香，蟹肉沾少少蟹醋就更加帶出鮮味。
肉類方面就揀左安格斯牛肉以及豚肉片，牛肉肉味比較濃唔錯既，豚肉就偏向梅頭位夠腍既，仲有蔬菜以一人份量黎講係好足夠，一次已經可以試成四至五款，有生菜、娃娃菜、翠玉瓜、粟米、冬菇、南瓜，咁樣蒸蔬菜都係小編第一次試感覺都幾特別，去到最後食哂所有之後店員會過黎將南瓜芋頭粥底加入蒸鍋中，煮成海鮮粥，鮮味十足，而且小編自己一個人足足食左三碗阿。😋😋
Post
