古今二 (荃新天地)

Open Now

Now Closed

上排喺觀塘食過古今，今星期又再食，但就去咗荃灣天地嘅分店。天氣熱特別想食刺身同壽司，所以一坐低就嗌咗一大盤刺身先。佢嘅刺身賣點係「飛機貨」，必定夠新鮮，所以刺身都好清甜爽嫩，點啲酸汁好提味！另外點少得佢地嘅創意壽司。呢款有大量芥末同千島醬，再加埋醬油，仲有芒果肉，味道好豐富，咸甜辣酸有齊晒，幾特別。同埋每件壽司都大件，所以一碟2個人食都已經好飽。但又想試吓香口嘅天婦羅。入口香脆，蝦肉鮮甜，點啲微酸嘅天婦羅汁更提味。