Video
Read full review
2024-01-26
78 views
呢間好耐之前收藏咗，有幾個朋友都有講過呢間好食，果然食完真係一啲都冇令人失望，食物質素非常高而且好有特色。———————————————🌟Potato Salad With Tuna Belly $98呢個同普通嘅沙律一啲都唔似，淨係睇佢個擺盤已經睇得出非常特別，醬汁有少少似係mayo然後上面再加上麵豉同香蔥，味道好特別。另外佢有超級香脆嘅麵包連埋一齊食口感亦都非常豐富，吞拿魚味道都好濃。🌟Classic Wagyu Beef Tartare with Toast $168Toast同potato沙律果個一樣非常香脆，Tartare材料好豐富有好多配輝，當中包括有洋蔥同辣椒碎食落口感同味道都好豐富，另外面頭都有好特別嘅蛋黃碎令到入口更帶有咸香味。不過個人覺得佢最出色嘅地方係旁邊有一塊香蔥牛油，牛味好濃郁連埋香蔥放入口真係一試難忘。🌟BINIKI $98呢個其實係一種傳統西班牙小食，一種夾住iberico ham同熱溶芝士嘅烘底三文治。麵包烘得非常香脆，食落芝士有少少拉絲，味道係非常濃郁嘅咸香味，入面仲帶有少量黑松露食落再增添幾分松露香。🌟Fresh Squid with garlic
呢間好耐之前收藏咗，有幾個朋友都有講過呢間好食，果然食完真係一啲都冇令人失望，食物質素非常高而且好有特色。
———————————————
🌟Potato Salad With Tuna Belly $98
呢個同普通嘅沙律一啲都唔似，淨係睇佢個擺盤已經睇得出非常特別，醬汁有少少似係mayo然後上面再加上麵豉同香蔥，味道好特別。另外佢有超級香脆嘅麵包連埋一齊食口感亦都非常豐富，吞拿魚味道都好濃。
🌟Classic Wagyu Beef Tartare with Toast $168
Toast同potato沙律果個一樣非常香脆，Tartare材料好豐富有好多配輝，當中包括有洋蔥同辣椒碎食落口感同味道都好豐富，另外面頭都有好特別嘅蛋黃碎令到入口更帶有咸香味。不過個人覺得佢最出色嘅地方係旁邊有一塊香蔥牛油，牛味好濃郁連埋香蔥放入口真係一試難忘。
🌟BINIKI $98
呢個其實係一種傳統西班牙小食，一種夾住iberico ham同熱溶芝士嘅烘底三文治。麵包烘得非常香脆，食落芝士有少少拉絲，味道係非常濃郁嘅咸香味，入面仲帶有少量黑松露食落再增添幾分松露香。
🌟Fresh Squid with garlic & parsley $188
呢種魷魚整法都算係第一次食，完全可以食到魷魚嘅鮮味什至仲有種帶有海水味嘅感覺，上面有少少蒜香令到魷魚更有風味，咬落亦都相當彈牙超好食。
🌟Seafood Paella with Fresh Seafood of the day $288
西班牙海鮮炒飯真係食西班牙菜必點，呢度仲要同平時食開嘅完全唔一樣，包括海鮮到汁底都同平時唔同，海鮮都多款而且非常新鮮，特別係蜆真係大隻到超出乎意輝，直頭好似蚌咁，而且食落仲要好鮮甜。
🌟Grandma's Vanilla seed Flan with Double Cream Ice Cream $78
呢個甜品都非常出色，整體其實係一個布丁，布丁底部有好多雲尼拿籽，面層就古有類似Lotus果種香甜味道嘅餅，最頂再加有一層雪糕，成個食落口感真係好豐富味蕾亦都同一時間感受到唔同嘅甜味。
🔸整體評價🔸
每個菜式其實都令人非常滿意，無論係擺盤定味道都覺得好出色。我本身其實都係上環返工，下次應該會回頭再試埋午餐，相信一定唔會令我失望。
Post
