弁慶 御好燒 鐵板燒

Open Now

Now Closed

今日去咗中環一間叫「弁慶 Benkei 」嘅餐廳食午餐，餐廳位於中環Stanley 11啲嘅6樓，電梯一開門就好似去咗日本嘅餐廳，大部份嘅職員都係日本人或者識講日文，可以感受到員工嘅熱情。客人可以選擇梳化座位或面對師傅同鐵板嘅吧枱座位，我哋嗌咗吧枱座位，欣賞師傅製作食物嘅過程。而家餐廳做緊一個期間限定嘅京都九條蔥系列，每一樣同蔥相關嘅食物都好吸引，我哋決定嗌晒四個！🍊 和牛排定食呢個係午市定食，師傅會用鐵板煎香日本和牛扒，牛扒煎到五成熟之後再切開一片片上枱，和牛鮮嫩多汁，味道濃郁，伴菜有鐵板炒椰菜同芽菜，好夠鑊氣，調味有鐵板燒牛扒必備嘅炸蒜片、豉油芥末或蘿蔔蓉柚子醋。午市定食仲包括日式醃前菜、日本米粉、沙律菜同麵豉湯🍊 京都九條蔥燒用咗大量京都九條蔥做材料嘅大阪燒，中間嘅香蔥燒完之後保持到蔬菜嘅汁同青蔥嘅甜味，中間夾住幾片豚肉，差唔多燒熟之後再加入麵粉漿同蛋漿，最後加入沙律醬同紫菜鋪面，做到外層口感香脆而內裏多汁，推薦大家試吓🍊 京都九條蔥炙燒油豆腐油豆腐即係我哋食開嘅炸豆卜，師傅將炸豆卜放喺鐵板上燒到香脆可口，淋上特製醬汁後令油豆腐非常吸味，再喺上面放白飯魚、香蔥、木魚同味粉做調味，