Sake Hub

Open Now

Now Closed

今日去咗中環一間叫「Sake Hub」嘅日本清酒酒吧飯嘢，酒吧嘅環境昏暗，有梳化枱、高枱同枱嘅座位可以選擇，酒吧內擺滿咗幾個大雪櫃放清酒，清酒嘅數量種類多不勝數，而且酒吧嘅職員亦都非常專業，了解我哋飲清酒嘅口味，再介紹唔同嘅清酒俾我哋。🍊 飛露喜 特別純米其中一款house sake，精米步合為55%，清酒嘅香氣沉穩優雅，入口柔軟而豐潤飽滿，但有少量嘅酸度同苦味，適合配搭日式串燒🍊 鍋島 吉川山田錦 特別純米Tasting set之一，採用兵庫縣嘅山田錦釀造，精米度為45%，味道醇厚，帶有黃桃同杏子嘅香氣，入口後甜味慢慢轉為酸味，飲落有層次感🍊 鍋島 純米吟釀 赤磐雄町Tasting set之一，採用「赤磐雄町」原料米釀造，精米步合為50%，味道清淡香甜，帶有淡淡嘅菠蘿果香，口感甜酸不膩，尾後餘韻帶有微苦味🍊 鍋島 愛山 純米大吟釀Tasting set之一，採用愛山釀造，精米步合為50%，果香馥郁，味道屬於微甘口，豐富有層次🍊 雞肉串我哋嗌咗日式照燒雞肉串同土匪雞肉串作為伴酒小食，雞肉串好厚身，燒完之後仍然保持到雞肉嘅嫩滑，日式照燒醬有少少甜味，而土匪就有中等強度嘅辣味🍊 日式烏冬配