學利 (翠屏花園商場)

Open Now

Now Closed

【大埔區】【學利】嚟到大埔呢個人傑地靈嘅好地方，點都要食吓嘢先願走。有時我都諗，其他人嘅生活係咪都好似我咁癲，去到邊食到邊呢。不過暫時仲可以咁樣做嘅時候，生活都過得尚算自在，再諗落去未免有啲「庸人自擾」嘅感覺出到嚟。我去嗰日係假日嚟，所以冇下午茶餐，只有嗰啲貴啲嘅嘢。咁我諗反正都唔係以抵食為目標，就不如去盡啲，叫咗 $100 嘅「八寶鍋麵」，有秘製魚蛋、魚片、牛丸、牛筋丸、墨魚丸、豬肉丸、雲吞、魚皮餃，同埋炸魚皮嘅。咁嘅組合可以話係乜都有，不過味道上就唔算突出，就算係最出名嘅「秘製魚蛋」我都冇乜感覺，麵底亦都好普通。然而，咁多款嘢食喺度，個滿足感都係有嘅。而個炸魚皮識得另上，亦都係有心做嘅特徵，算係誠意之作。嘢飲我加 $9 飲「熱奶茶」，都係茶記質素。加咗碟 $17 嘅「生菜」，正常水準，冇乜特別。夾埋 $126，其實佢可能預呢碗嘢係兩個人食，價錢差唔多。食食吓有隻貓入咗嚟，原來係附近嘅「陀地」，好肥好得意，令大家開心咗。。。（地址：大埔安慈路3號翠屏花園商場6號）#1amfoodie #foodie #hkfoodie #hkfood #food #foodporn #instafo