PURADAK CHICKEN (將軍澳中心)

Open Now

Now Closed

好幾次經過呢間炸雞都覺得入面幾靚想下試，今次終於都同屋企人一齊過嚟食炸雞，整體味道都唔錯，值得同大家推薦一下。———————————————🌟半半炸雞(無骨) $238呢個半半炸雞真係好正，我哋選擇咗Corn-so Amazing炸雞同PURADAK經典炸雞。Corn-so Amazing炸雞上面鋪滿一層粟米粉，啖啖都帶有粟米嘅香甜味，炸雞外皮脆口，雞肉嫩滑多汁；而PURADAK經典炸雞則係香脆可口，每一啖都充滿脆脆嘅口感。無骨炸雞食得方便，唔使擔心會弄污雙手，非常適合一班朋友一齊享用。🌟韓式烤牛肉石鍋拌飯 $138呢個石鍋拌飯有濃濃嘅韓式風味，牛肉烤得剛剛好，非常嫩滑，每一啖都充滿牛肉嘅香氣。加上石鍋嘅熱力令飯粒香脆，仲可以整到金黃色嘅飯焦，非常香脆，配埋各種蔬菜同辣醬一齊攪拌，味道豐富多層次。🌟梳打飲品 $28我哋點咗兩杯梳打飲品，一杯係柚子梳打，一杯係梅子梳打。柚子梳打有清新嘅柚子香味，酸甜適中，非常解渴；而梅子梳打則係帶有淡淡嘅梅子香味，酸中帶甜，非常清新可口，令人一試難忘。