Video
Read full review
2021-06-01
90 views
成日出街食飯都係食西餐日本嘢泰國嘢嗰幾款，有時都有啲悶，間唔中食下中菜都係一個幾唔錯嘅選擇😆 呢排經過尖東就俾我發現咗一間新開嘅中餐，專門食粵菜同點心，我當然要同朋友一齊去試試佢啦🤓當晚就食咗幾款店員特別推介嘅招牌菜式。龍井煙燻太爺雞 ($298)聞落有濃濃煙燻味，餘韻帶點淡淡嘅龍井香。雞件肥美而且肉質嫩滑，分量都幾多所以幾個人一齊share就啱啱好啦。幾乎每一枱都會見到冰鎮咕嚕肉 ($128)嘅存在🤣 佢又啱打卡📸又幾好味。唔好以為啲咕嚕肉俾咁多冰埋住個皮一定會淋，佢係好香脆㗎！食落外凍內暖，配埋冰菠蘿同三色椒食幾開胃。成晚我個人最鍾意嘅一定係梨山醬骨 ($108)，酸酸甜甜好惹味，配飯簡直一流🤤食咗咁多肉當然要食返啲菜解下膩，我地揀嘅杞子茨實濃湯泡菜苗 ($108)好有養生嘅感覺😂有好多杞子同茨實，菜都幾清甜。我地3個人叫咗4個餸係食到超飽。整體嚟講食物質素同環境都不錯，如果服務員再積極少少就好啲啦👍🏻
呢排經過尖東就俾我發現咗一間新開嘅中餐，專門食粵菜同點心，我當然要同朋友一齊去試試佢啦🤓
當晚就食咗幾款店員特別推介嘅招牌菜式。
龍井煙燻太爺雞 ($298)聞落有濃濃煙燻味，餘韻帶點淡淡嘅龍井香。雞件肥美而且肉質嫩滑，分量都幾多所以幾個人一齊share就啱啱好啦。
幾乎每一枱都會見到冰鎮咕嚕肉 ($128)嘅存在🤣 佢又啱打卡📸又幾好味。唔好以為啲咕嚕肉俾咁多冰埋住個皮一定會淋，佢係好香脆㗎！食落外凍內暖，配埋冰菠蘿同三色椒食幾開胃。
成晚我個人最鍾意嘅一定係梨山醬骨 ($108)，酸酸甜甜好惹味，配飯簡直一流🤤
食咗咁多肉當然要食返啲菜解下膩，我地揀嘅杞子茨實濃湯泡菜苗 ($108)好有養生嘅感覺😂有好多杞子同茨實，菜都幾清甜。
我地3個人叫咗4個餸係食到超飽。整體嚟講食物質素同環境都不錯，如果服務員再積極少少就好啲啦👍🏻
龍井煙燻太爺雞
$298
55 views
0 likes
0 comments
冰鎮咕嚕肉
$128
100 views
0 likes
0 comments
梨山醬骨
$108
61 views
0 likes
0 comments
杞子茨實濃湯泡菜苗
$108
34 views
0 likes
0 comments
Post
