研香

Open Now

Now Closed

厚福街多食肆，所以好多時候係尖沙咀諗唔到食咩好嘅時候，就會嚟搵食🤣🤣今次咁啱就俾我見到依間新開嘅糖水舖，而且仲要有之前未見過嘅開心果豆腐花，咁就立即去試吓招牌開心果豆腐花 $48+$10（加三粒湯丸）推薦指數🗯️：🌟🌟🌟🌟一上枱唔會話好濃開心果香，唔知係唔係因為旁邊的榴槤冰太濃蓋過咗😂😂，不過食落就好濃開心果味，而且仲有少少開心果碎，而且仲好滑身，唔會有顆粒感，配埋底下嘅豆腐花一齊食，不單止不會過甜和突出，反而更加出色，好推介一試；不過湯圓就普普通通，可以因應自己口味決定選擇加唔加榴槤冰 $58 推薦指數🗯️：🌟🌟🌟🌟1/4個榴槤嘅香味真係唔講得笑，一上到枱，旁邊嘅開心果香完全俾佢蓋過晒，而且份量沒有跟你客氣，滿滿的榴槤肉、榴槤雪糕、西米等全部都是滿滿的；而且榴槤肉食落好香，就算我一個唔係好食榴槤嘅人都忍唔住食多幾啖！榴槤控必試！以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。