Video
Read full review
2023-03-22
82 views
星期六同男朋友出旺角行街心血來潮想搵間火鍋食，見到呢間有好多個唔同鍋底又有幾種二人餐，就入咗去試試。二人餐方面最平嘅有4百蚊都唔洗，但因為想食椰子雞所以我哋選擇咗$656「滾得正」2人餐。 ———————————————🌟招牌椰子雞鍋（半隻雞）呢個椰子雞鍋真係不得了，一開始我見佢淨係放個空鍋係度真係一臉問號，點知佢轉頭就拎左成盤材料出嚟係我面前逐樣倒，先將馬蹄粒同椰子片放入去，跟住就係我面前張兩粒新鮮椰子同兩粒大椰青嘅所有汁倒入去，放埋半隻雞入去之後再開始煲，過程真係一滴水都冇加過。一邊煲嘅時候有幾次忍唔住開咗蓋去望望，果啲椰子味真係香到不得了，水滾後再焗5分鐘就可以開始食。每舊雞煮出嚟都非常嫩滑，而且仲有好香椰子味，佢地嘅豉油都有專燈安排味道比較淡，避免蓋過曬啲椰香。湯底方面真係每啖都係椰子水，飲到停唔到口。.🌟日本大元具2隻大元貝果名真係名呼其實，兩隻都好大隻，幫你片開兩舊都依然啖啖肉。.🌟手打四寶丸呢四寶丸都令我好驚嘆，粒粒都非常彈牙仲好足料，四寶分別係鯪魚球、牛肉丸墨魚丸同蝦丸。最令我回味嘅係墨魚丸，真係好好食，墨魚味好重，全粒都係墨魚嘅感覺。蝦丸同另外3隻比相對冇咁重味，可能
———————————————
🌟招牌椰子雞鍋（半隻雞）
呢個椰子雞鍋真係不得了，一開始我見佢淨係放個空鍋係度真係一臉問號，點知佢轉頭就拎左成盤材料出嚟係我面前逐樣倒，先將馬蹄粒同椰子片放入去，跟住就係我面前張兩粒新鮮椰子同兩粒大椰青嘅所有汁倒入去，放埋半隻雞入去之後再開始煲，過程真係一滴水都冇加過。一邊煲嘅時候有幾次忍唔住開咗蓋去望望，果啲椰子味真係香到不得了，水滾後再焗5分鐘就可以開始食。每舊雞煮出嚟都非常嫩滑，而且仲有好香椰子味，佢地嘅豉油都有專燈安排味道比較淡，避免蓋過曬啲椰香。湯底方面真係每啖都係椰子水，飲到停唔到口。
.
🌟日本大元具2隻
大元貝果名真係名呼其實，兩隻都好大隻，幫你片開兩舊都依然啖啖肉。
.
🌟手打四寶丸
呢四寶丸都令我好驚嘆，粒粒都非常彈牙仲好足料，四寶分別係鯪魚球、牛肉丸墨魚丸同蝦丸。最令我回味嘅係墨魚丸，真係好好食，墨魚味好重，全粒都係墨魚嘅感覺。蝦丸同另外3隻比相對冇咁重味，可能調味上加咗胡椒有少少蓋過，但都係好值得推薦。
.
🌟手包鮮蝦雲吞4粒
每粒入面都有好大粒嘅鮮蝦，皮薄餡靚！
.
🌟美國安格斯板眼
完全冇諗過2人餐都可以有咁大份牛，份量超多而且真係高質牛肉。
.
🌟脆肉鯇骨腩
每舊都係厚切，肉多骨少，每舊咬落都啖啖肉。
.
🌟即炸紫菜響鈴
唔係講笑真係即炸出嚟，上台果下熱辣辣香味出曬嚟，仲要每舊都好大舊，放落個鍋一秒即食都依然係超香脆。
.
🌟皇帝菜
出面好少火鍋餐會配皇帝菜，因為皇帝菜始終唔係一個大眾偏愛嘅蔬菜，但我想講皇帝菜真係同呢個椰子雞鍋天生一對，啲菜煮完之後吸曬個椰子湯真係好鮮甜好好味。
.
🌟讚歧烏冬
呢個讚歧烏冬係比較幼身果種烏冬，一開始仲覺得有啲少，不過成餐食落其實好夠好飽，提提大家記得唔好煮太耐！
.
🔸整體評價🔸
呢間真係十級推薦，基本上係一定會再幫襯，香港真係好少有咁高質嘅椰子雞煲，真材實料之餘仲要每個配菜都用心製作，從外表到味道一啲都唔馬虎。我見佢本身都真係有好多套餐選擇，價錢豐儉由人，提提大家每位需要另外收$18醬油費。
招牌椰子雞鍋
4 views
0 likes
0 comments
招牌椰子雞鍋
5 views
0 likes
0 comments
招牌椰子雞鍋
6 views
0 likes
0 comments
手打四寶丸
1 views
0 likes
0 comments
美國安格斯板眼
7 views
0 likes
0 comments
即炸紫菜響鈴
7 views
0 likes
0 comments
Post
