沙田友冰室 (Moved) New Location

【沙田區】【沙田友】去到呢個位置都冇咩嘢可以寫，不過我想講嘅係，我係住沙田架，所以名符其實係一個「沙田友」。一見到呢間餐廳個名就覺得好好笑，不過雖然聲稱想試，但係理想同現實往往爭好遠，一直都未有機會試。呢間嘢喺石門都開咗一段時間，不過次次都係過門而不入，都食咗好多其他嘅餐廳。最近稿件不足，所以都要的起心肝去食一次。點知一去到冇位喎，我本人係幾討厭等位嘅，所以就過咗隔離陸記食，就係之前寫陸記嗰篇。搵到一次終於再有機會入去，喂又冇位嘅，啱啱有個人走喎，咁我就坐落去咯。唔知點解呢啲搵極都搵唔到位而又突然有位嘅話係有啲開心嘅，好似失而復得咁。不過呢間嘢成日都咁多人，都有啲興趣試吓佢哋啲嘢係咪咁得。入得呢啲茶記，梗係叫個「常餐」啦，主食「沙嗲牛肉麵」又真係一般咗啲，有少少失望添。個「黑松露炒滑蛋」同「多士」就挽回到唔少分數，隻蛋炒得幾有誠意。餐飲我飲「凍檸茶」少甜，都係一貫茶記水準咁啦。個阿姐喺我叫嘢嗰陣無啦啦 sell 我叫「酥皮蛋撻」，而我又唔知點解話 okay 喎。可能都想畀個機會佢哋嘅包餅部，因為好似敏華嗰啲咁，個新鮮出爐蛋撻係幾正。不過好可惜，上到嚟發現佢唔係啱啱焗好，味道亦都一般。我