螢火

【油尖旺區】【螢火】為慶祝 1amfoodie 成立四週年，去咗公司附近嘅呢間「鐵板燒+omakase」餐廳食晚飯。佢哋有個天燈許願設備，可以自己寫或者畫天燈內容，然後再播放動畫，我都有玩，非常有趣。佢哋仲做緊「螢火清酒祭多重優惠」，叫唔同嘅套餐就有唔同嘅優惠。我就試 $1380 嘅「晚市廚師發辦十六品」，優惠係「全日指定清酒免費任飲（午餐 90 分鐘，晚餐 120 分鐘）」，好抵呀，我都飲咗好多。講開優惠，呢個晚餐佢哋仲做埋「二人同行，一人免費」添，我同朋友兩個人去，都只係需要畀一個人價錢，平好多。先試「前菜」嘅螢光魷魚配柚子麵豉醬，好開胃好正。之後「刺身五品」有日本白象拔蚌、北海道海膽、銀鱈魚BB、深海池魚同埋肥拖羅，好新鮮，各有特色。然後到「煮物」，係煮鮑魚，肉厚得嚟唔靱，正。份「燒物」係黃金醬燒廣島蠔，食落勁邪惡。跟住係「壽司五品」，有北海道帶子壽司，灑咗柚子皮喺面更加出味。新鮮赤貝壽司加少少檸檬汁就新鮮咗咁，之後嘅金目鯛好鮮好軟熟。左口魚配左口魚邊就玩多重口感，燒肥拖羅就都係咁肥美咁強油脂感。沿途食啲伴碟嘅鹹菜、飲啖茶，油膩感盡消。呢個時候師傅畀埋「手卷」，係拖羅海膽魚子手卷