XOXO Café Lab (Closed)

好日都唔出淘大，一出就發現多左好多食肆。而且好多的質素都唔錯，空間又大，不會太擠迫。淘大的佷肆集中在第三期和內街。 朋友介紹XOXO CAFE有個好特別的飯，叫泡泡飯。我們點了個原味泡泡韓國泡菜豚肉飯。驟眼睇以為是甜品，蛋白泡泡堆起了小山。用匙撥開泡泡，飯就在最底。Amazing 原本我們都怕中伏，新奇野，好睇唔好食，出乎意料，這個飯好睇又好食。首先匙羹插入泡泡蛋白的時候，軟綿綿的，舀到底時感受到飯的密度。食的時候要把泡泡和飯混和，如果唔係就會蛋白無味而飯好咸。飯用了珍珠米，粒粒彈牙。另外加埋五花腩薄片和泡菜，好惹味，味道有點辣。值得一試。黑蜜炸雞:即叫即炸，上枱熱辣辣，炸雞本身沒有味，靠灑在外層的五香粉和黑蜜。　 黑蜜味道淡淡的，不會搶走炸雞的味，而且有蜜糖中和下，無咁熱氣。(**黑蜜跟泡菜飯的味都好夾GA)甜品好靚，感覺好浪漫。環境唔錯，座位空間寬闊，全場以粉藍色做主題。好童話FEEL。