竺扶大班燒味

Open Now

Now Closed

【灣仔區】【竺扶大班燒味】同真正哥行經灣仔，見到呢間平時午市經常大排長龍嘅灣仔燒味人氣餐廳居然得三組人排緊，即刻排埋一份。平時佢哋一位難求，好受上班族歡迎，亦都係各地遊客嚟香港必試嘅高質素燒味餐廳。真正哥就試 $70 嘅「黯然銷魂鴛鴦飯」，貪佢乜都有得食。首先佢個半肥瘦叉燒勁靚，口感勁好。冰燒鳳凰雞就燒得好好，配埋個醬汁，好正。個醬汁原來係由菠蘿、紅黃椒、青檸、蒜蓉等整出嚟，難怪咁惹味。仲有煎雙蛋，煎得啱啱好，好食嘅。佢加 $10 配「鵝汁撈米粉」同加 $12 飲「凍檸樂」，都幾好嘅。而我就試 $55 嘅「至尊古井燒鵝飯」，加 $10 轉「鵝汁撈粗」。佢哋嘅古井燒鵝用五斤半雌鵝加自家秘製陳皮醬醃個內籠，完美復刻咗個古早味道，係幾好食嘅。個鵝汁撈粗都正，而飲品方面我就加 $7 飲「凍羅漢果茶」，清清哋。埋單 $162，唔貴喎。。。（地址：灣仔三角街2-3號華欣閣地下3號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：大埔區：1am1094#1amfoodie #foodie #hkfoodie #thatfoodiething