Video
Read full review
2023-10-23
383 views
終於完成咗件私人事，好開心要慶祝下，想食串燒，朋友仔就Book咗燒烤堂，佢話食過好食帶我去食咁話～一於試下la！入到去餐廳原本以為自己燒，同埋會好大陣燒烤味，原來係專人燒，坐定定等食就得la，即叫即燒上枱熱辣辣，我咩都想試叫咗好多串燒，上枱速度好快，店舖好窩心咁有串燒保溫爐保持食物溫度，慢慢食都得，唔驚d串燒凍哂～多款調味串燒，會係串燒紙列明串燒使用邊款調味：「日、泰、港、川、西、新疆、台、韓、堂(自家產品)」方便揀選自己鍾意食口味～🐥燒鳥：麻辣免治雞肉軟骨釀冬菇(川) $28/串脹卜卜釀冬菇，冬菇味好出，川式麻辣味唔會太辣，符合香港人口味鹽燒原塊雞皮(堂) $22/串平時係街食開燒雞皮都係細細塊，依到係原塊燒勁滿足！雞皮燒到超脆口！加上惹味辣粉勁邪惡！食完即刻再加單！黑松露烤雞(堂) $28/串超推介！燒烤堂自家產品，滿滿黑松露醬+嫩滿烤雞肉，食落好香黑松露味仲有輕微芥辣味，辣辣地勁惹味！🐷燒豚：韓燒泡菜五花腩(韓) $28/串上枱有驚喜，真係同韓劇一樣有一片蒜片係面，加上泡菜醬同燒到好香五花腩，入口豚脂味洋溢好juicy，再有香濃泡菜味，鍾意韓式風味就一定要叫la 福岡味增松板豬(
入到去餐廳原本以為自己燒，同埋會好大陣燒烤味，原來係專人燒，坐定定等食就得la，即叫即燒上枱熱辣辣，我咩都想試叫咗好多串燒，上枱速度好快，店舖好窩心咁有串燒保溫爐保持食物溫度，慢慢食都得，唔驚d串燒凍哂～
多款調味串燒，會係串燒紙列明串燒使用邊款調味：「日、泰、港、川、西、新疆、台、韓、堂(自家產品)」方便揀選自己鍾意食口味～
🐥燒鳥：
麻辣免治雞肉軟骨釀冬菇(川) $28/串
脹卜卜釀冬菇，冬菇味好出，川式麻辣味唔會太辣，符合香港人口味
鹽燒原塊雞皮(堂) $22/串
平時係街食開燒雞皮都係細細塊，依到係原塊燒勁滿足！雞皮燒到超脆口！加上惹味辣粉勁邪惡！食完即刻再加單！
黑松露烤雞(堂) $28/串
超推介！燒烤堂自家產品，滿滿黑松露醬+嫩滿烤雞肉，食落好香黑松露味仲有輕微芥辣味，辣辣地勁惹味！
🐷燒豚：
韓燒泡菜五花腩(韓) $28/串
上枱有驚喜，真係同韓劇一樣有一片蒜片係面，加上泡菜醬同燒到好香五花腩，入口豚脂味洋溢好juicy，再有香濃泡菜味，鍾意韓式風味就一定要叫la
福岡味增松板豬(日) $28/串
日式風味串燒無濃/辣味調味，以味增醃製，用上優質松板豬燒製帶出原肉味，豬肉同脂肪比例均勻，口感一流
🍢手工心機卷物：
牛油果豚肉卷(堂) $28/串
軟綿綿口感，充滿牛油果同豚肉香，面層大量沙律醬同紫菜條再增添味道同口感
海苔黑豚肉鵪鶉蛋(堂) $28/串
超鍾意食鵪鶉蛋嘅Venus 即刻叫串試下，黑豚肉本身味道偏濃已經好好味，再加上鵪鶉蛋點會輸
鹽燒豚肉荔枝卷(日) $22/串
日式口味較著重以食材帶出原味，簡單用鹽燒豚肉再加清新荔枝，多汁又香甜
鹽燒豚肉蘆筍卷(日) $32/串
燒蘆筍已經好好味，再用豚肉包裹住再juicy d，咬開多汁、口感清新
麻辣豚肉韭菜花卷(川) $24/串
朋友超鍾意食依串，又真係好入味，韭菜花燒得勁香加上麻辣味好開胃
🦐海鮮：
香蒜咸蛋黃燒虎蝦(泰) $48/串
第一次食燒蝦配鹹蛋黃醬，原來都幾夾，鹹香加鮮美，成件事真係好泰式風味
香蒜鹹蛋黃燒墨魚滑(堂) $38/串
滿瀉鹹香蛋黃加彈牙墨魚滑，鍾意食鹹蛋黃就唔好錯過
麻辣手釣墨魚鬚(川) $22/串
雖然唔知手釣有咩關係？不過墨魚鬚就超彈牙！麻辣味激正！
蒜蓉燒廣島蠔2隻(日) $44/份
大大隻廣島蠔，飽滿鮮美，滿口蒜蓉加creamy 蠔，燒烤必備la
川燒活元貝(川) 時價
今晚元貝$68/隻，叫咗2隻試下，雖然少貴不過元貝真係好新鮮！粉絲吸收哂麻辣香蒜精華好入味，慶祝日就食豪d d la
🍆野菜：
燒萵筍伴蟹膏(堂) $26/串
雖然賣相一般，但蟹膏好香好好食，萵筍都好爽脆
牛油蒜蓉焗金菇(日) $32/份
平時自己燒烤都一定會焗金菇，依到牛油同蒜蓉好足料，金菇入哂味好香
川燒蒜蓉茄子(川) $36/條
原條茄子上，大過我隻手，外皮燒到香脆，內層鋪滿川辣醬、菜甫同香蒜，每啖茄肉都沾滿醬汁，諗唔到唔叫理由？
🍍甜品：
蜜糖燒菠蘿(港) $18/串
本身菠蘿都好香甜，加上蜜糖再甜d，燒完更香口，一咬滿口蜜糖加菠蘿汁
🍸飲品：
青檸菠蘿梳打 $32
食燒烤配杯梳打先正！青檸菠蘿小清新配搭，解膩又解渴
冷泡白桃烏龍茶 $18
朋友叫咗依杯，試飲咗啖都唔錯，清清地啱哂食燒烤
🎉優惠放送：
晚上11點後黑松露烤雞 $1/串(每人限嗌2串)
燒烤堂
📍地址：銅鑼灣登龍街28號永光中心3樓
Post
