Video
Read full review
2023-10-17
44 views
果日食完樓下間中菜就已經留意到呢間餐廳，呢間餐廳係真心有驚喜，除食物質素外個場地都好正，有桌球有鏢機有peer pong，食完飯都同男朋友玩左陣先走。我地直接叫咗個$702嘅二人餐，性價比感覺都唔錯一共有4個courses而且仲另外配兩杯mocktail，而且主菜本身都菜式高質，就試試佢。———————————————🌟挪威三文魚他他呢個前菜真係一啲都唔hea，其實出面好多呢個價錢嘅前菜可能都係比個普通沙律，但呢度竟然可以食到一份他他，而且味道同賣相都高質。睇相可能覺得三文魚好似好少，但其實份量比想像中多，牛油果蓉配三文魚再加有少量紅椒粒同三文魚籽做配搭，味道真心高質，不過如果可以配多幾塊餅感覺會更好～.🌟美國安格斯牛仔骨配龍蝦尾雖然係龍蝦尾，但實際上個肉量都唔少，而且佢熟成度掌握得好好，龍蝦肉咬落爽口彈牙。至於牛仔骨平時都比較少係西餐主菜出現，佢一共有兩封大牛仔骨，牛味好濃而且肉質都算嫩，係到骨附近果啲位先比較需要牙力咬，感覺唔點汁都已經好好食！.🌟法國自然春雞春雞本身非常幼嫩，所以體型唔係好大隻，但係肉質方面係真係好嫩滑，就連雞胸位置都唔會比人感覺好“鞋“。調味上配本身有醃製再加有
果日食完樓下間中菜就已經留意到呢間餐廳，呢間餐廳係真心有驚喜，除食物質素外個場地都好正，有桌球有鏢機有peer pong，食完飯都同男朋友玩左陣先走。我地直接叫咗個$702嘅二人餐，性價比感覺都唔錯一共有4個courses而且仲另外配兩杯mocktail，而且主菜本身都菜式高質，就試試佢。
———————————————
🌟挪威三文魚他他
呢個前菜真係一啲都唔hea，其實出面好多呢個價錢嘅前菜可能都係比個普通沙律，但呢度竟然可以食到一份他他，而且味道同賣相都高質。睇相可能覺得三文魚好似好少，但其實份量比想像中多，牛油果蓉配三文魚再加有少量紅椒粒同三文魚籽做配搭，味道真心高質，不過如果可以配多幾塊餅感覺會更好～
.
🌟美國安格斯牛仔骨配龍蝦尾
雖然係龍蝦尾，但實際上個肉量都唔少，而且佢熟成度掌握得好好，龍蝦肉咬落爽口彈牙。至於牛仔骨平時都比較少係西餐主菜出現，佢一共有兩封大牛仔骨，牛味好濃而且肉質都算嫩，係到骨附近果啲位先比較需要牙力咬，感覺唔點汁都已經好好食！
.
🌟法國自然春雞
春雞本身非常幼嫩，所以體型唔係好大隻，但係肉質方面係真係好嫩滑，就連雞胸位置都唔會比人感覺好“鞋“。調味上配本身有醃製再加有香料烤焗，調味唔會太濃而且又好香口。
.
🌟焦糖朱古力奶
Mocktail果邊店員話簡唔到可以由佢地安排，我就直接放手等驚喜，先係嚟左呢杯朱古力奶，整體味道唔會太甜亦都唔會太濃，如果朱古力味再重少少會更好。
.
🌟荔枝蘋果汁
至於另外呢杯係非常有驚喜，其實我都唔係好肯定佢叫咩名，不過入面係加有蘋果、荔枝、蝶豆花同接骨木花，味道酸酸甜甜之餘仲充滿花香味，非常推薦，不過大家可能要講清楚個口味佢地先再調到haha
.
🌟白桃朱古力蛋糕
蛋糕方面味道係ok，有香桃味同時唔會話好甜，不過感覺中間果層嘅口感落多咗少少魚膠粉，如果可以變得creamy或者綿滑啲嘅口感我會更鍾意～
.
🔸整體評價🔸
整體係滿意嘅一餐，餐湯上面雖然冇提及，但係都係份量多之餘用料十足，感覺性價比都好高。食完野仲掟咗陣鏢先走。環境同氣氛都唔錯，好似仲有包場服務，大家如果有需要都可以同餐廳查詢～
Post
