壹火鍋

Open Now

Now Closed

今日天氣終於都涼返啲，見Happy friday就同朋友打邊爐傾下計。以為兆萬冇嘢好食？咁今次就要同大家分享最近發掘到嘅任食火鍋店😎人均$219食足2.5小時，包你捧住個肚走！首先餐廳剩係湯底都已經好吸引，有多種食法！可以選擇先食雞煲再加湯打邊爐，或選擇中日鴛鴦鍋，有齊沙爹/蕃茄/麻辣/冬陰公等特色湯底。而今次我哋就揀中式湯底 - 鮮茄薯仔豬軟骨湯底，湯底超足料，一啲味精嘅感覺都冇！我同朋友都一致決定加$50升級任食和牛，獎勵下辛苦咗一個禮拜嘅自己！有齊安格斯牛小排、極上牛板腱、嚴選牛肩胛、手切封門柳、SRF和牛肉眼、一口肥牛粒。超推薦食SRF和牛肉眼同牛小排，鐘意食軟腍口感嘅你一定要食😍另外，我哋都加咗$50加配鮑魚海鮮船，有蠔、鮑魚、帶子、蜆、蝦等等，全部都超新鮮！上枱時啲蝦腳仲郁緊，鮑魚都大大隻，肉質好爽口，蟶子味道鮮甜，真係好值！食食吓見到隔離枱嘅刺身都好吸引，見反正都已經追加咗，我哋決定再加咗$50任食刺身！有三文魚、甜蝦、八爪魚等，一次過滿足打邊爐同食刺身嘅願望！自助區仲有10幾款配料及蔬菜盤可以任夾，飲品亦是任飲。打完邊爐最重要緊係食雪糕，呢到都有雪條、雪糕、雪米糍任揀！