Video
Exit B, Mong Kok East MTR Station/ Exit A2, Yau Ma Tei MTR Station
continue reading
Telephone
27808399
Opening Hours
Today
17:00 - 01:00
Mon - Sun
17:00 - 01:00
Above information is for reference only. Please check details with the restaurant.
之前同朋友嚟過呢度食火鍋，覺得唔錯。今次就帶埋老公同佢啲朋友一齊食吓飯，傾吓計，聚吓舊。餐廳位置方便，約朋友食飯好就腳。餐廳環境乾淨，自助形式，任飲任食放題。肉類、餃子類同炸魚皮等可用QR落單，其餘火鍋配料都可在外面自取。而火鍋配料種類多，擺放整齊，每款都用蓋蓋好，乾淨整齊，好企理。餐廳做緊三重賞，只要影職員指示圖片，然後在社交平台share比朋友，就會有雞煲同黑毛素肚無限追加，另外仲送頂級和牛拼盤。火鍋湯底可鴛鴦湯底或中式湯底，如選雞煲就食完直接加湯打邊爐，兩選一。而我哋就揀先食雞煲，再用雞煲精華打邊爐。如果怕油，職員可以幫忙換清湯。鴛鴦田雞麻辣雞：份量多，四人份量係全雞隻，而田雞用雞煲煮法都係第一次食叫左BB辣。田雞夠嫩，有少少辣勁惹味，連朋友唔食得辣都話好好味。刺身拼盤：賣相幾靚，有三文魚、希靈魚、立魚、甜蝦、赤貝、蟹柳、螺同鮑片等，雖然係火鍋店，但味道同素質都幾ok。黑毛素肚：少有火鍋店配料，佢係用魔芋制成，低熱量同零卡路里，口感爽口，佢吸晒雞湯煲汁精華，好好食，仲可以無限追加，正！鮑魚海鮮船：海鮮種類多，鮑魚同大蝦好生猛，仲郁架。另外仲有蟶子、帶子、生蠔、龍躉片、珊瑚蚌同幾款蜆類。朋友話好抵，每位加50蚊就有咁多嘢食，出面買都唔止。而海鮮size全部都好大，新鮮，食落夠甜夠鮮味，朋友一路食，一路讚。頂級和牛拼盤：朋友話見到已經好想食，和牛有五款，手切封門柳同極上同牛板腱就比較厚身同瘦；嚴選牛肩胛同和SRF牛肉眼脂肪分佈均勻，安格斯牛小排脂肪就比較多少少。整體和牛味道較濃，有口感，就算贈送都唔會話馬虎，真心覺得幾好。火鍋配料：食完雞煲、刺身拼盤、鮑魚海鮮船同頂級和牛拼盤都已經好飽，見到菜都幾好，我哋都食左少少。甜品：有本地品牌雪糕、馬來西亞榴槤雪條同黑糯米雪條，仲有糯米糍，樣樣食d，好滿足。
continue reading
旺角兆萬中心的「壹火鍋」，係一間主打任飲任食雞煲火鍋的餐廳🍲放題採取不同入座時段，不同價錢，定價適中。另外仲可以額外加錢，無限追加刺身或和牛火鍋配料選擇種類繁多，可以任食海中蝦、海白鱔、鮮脆鯇骨腩及鮮魚頭雲等等醬料、部份火鍋配料、飲品、甜品同雪糕都係自助任取，款式都幾多選擇刺身拼盤三文魚、鮑片、榮螺片、甜蝦、八爪魚、墨魚片、玉子、馬刀貝、鱆紅魚刺身。每款都充滿光澤，新鮮肥美，滿有魚鮮味四川麻辣湯拼香荽皮蛋湯芫荽皮蛋湯底清甜；麻辣湯底有三種辣度可供選擇，BB辣都已經夠晒香辣惹味鮑魚海鮮船放題另可+$50/位追加「鮑魚海鮮船」，陣容鼎盛，影相打卡就啱晒👍🏻享用新鮮生蠔、鮑魚、海蝦、龍躉魚片、桂花蚌、帆立貝及大蜆。海鮮食材超新鮮，海蝦同鮑魚仲識郁架，勁生猛和牛拼盤拼盤當中合共有五款和牛：手切封門柳、安格斯牛小排、SRF和牛肉眼、極上牛板腱、嚴選牛肩胛。肥瘦適中，肉質軟嫩，牛味濃郁火鍋配料炸枝竹同鮮腐竹充滿豆香～炸魚皮同響鈴新鮮香脆，浸湯1秒就食得，正呀雪花肥牛肉油脂分布均勻，肉味香濃油麥菜、娃娃菜、蕃茄、芋絲、雲耳
continue reading
已經唔知第幾次黎食，一如以往叫芝士麻辣雞煲(BB辣)，真心食過返唔到轉頭，惹味得黎唔會死咸，加埋芝士更加有層次(嗯~~~滿足滿足)經過8分鐘既等待雞肉仲好滑(๑´ڡ`๑)，食完雞加湯打邊+$50無限追加刺身有十二款刺身任食，唔會雪到無曬味同好冰，特別推介三文魚、甜蝦、馬刀貝同榮螺都好爽👍🏻 🙌🏻鮑片隱藏食法加埋落雞煲到，連鮑片都惹味埋(勁正)+$50成本價海鮮船抵到Cry🥹今次有勁大隻蟶子(超鮮甜♡̴)同生蠔，仲有生命既蝦同大鮑魚，帶子、珊瑚蚌、海蜆同魚(唔腥無骨勁有魚味~全部都好新鮮，個湯底都會變到好鮮(〃´𓎟`〃)生蠔熟左都超脹卜卜免費送極上牛拼盤🥩手切封門柳-肉味最濃，厚肉質好軟熟安格斯牛小排-大理石紋油花同和牛肉眼相似SRF和牛肉眼-油脂味最濃極尚牛板腱-中間位有肉筋，肉味濃過牛胛嚴選牛肩胛-一般肥牛*唔夠喉可以+$50無限追加和牛————————————————————————🥗其他火鍋配料丸類蔬菜麵可以係出面自取區拎，手機落單都得，肉類海鮮好多好多款飲品汽水啤酒都好多款，有常溫/凍/暖🍻甜品有杯裝雪糕同雪條🍨發誓真心推呢間❣️ 絕對要支持本地餐飲業(•͈˽•͈) 覺得佢哋係真心想做好火鍋店，保持食物品質！每次既海鮮都係郁，肉質紋理都好靚！完全係物超所值~
continue reading
壹火鍋地址: 旺角西洋菜南街1N號兆萬中心16樓今日又返工黃雨，淋到個人又濕又乾，原本仲約了朋友食飯，今book 位時轉做食打邊爐，暖暖身。放題幾抵食，一位大人先$209，用餐時間有兩小時，同朋友邊食邊吹水，時間好足夠。再食豪d，$50 一位可以升級有刺身/海鮮/升級牛肉，按而要升級，也可以要曬三樣。湯底有雞煲添，我地要了卜卜蜆呀，睇住佢熟到開口好治療。我地upgrade 海鮮船同任食刺身,海鮮船有蟶子，鮑魚，蠔、蝦，鯛魚其他食物掃qr ，牛一來會有一碟，可以先不用急點太多，牛肩，手切封門，和牛肉眼，極上牛板腱。刺身乜都叫了點，希靈魚，三文魚、鮑片，甜蝦等等。而食材在自助區，好乾淨整齊。有飲品同雪糕，食到勁飽之餘同朋吹水嘻嘻哈哈。 #生酮 #好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介
continue reading
今日同老婆行完旺角Aeon後，去斜對面嘅兆南中心睇下有咩食😋，見到間叫壹火鍋 嘅火鍋放題店🥘，明碼實價按時段收費🥰。好似而家呢個時間每位都只係$209，就可以食足2️⃣個鐘，一於就去試下先。精選湯底分3️⃣大類，麻辣雞煲皇、中日鴛鴦鍋和中式湯底，共有2️⃣0️⃣款可選，真係總有一款會啱你😂。我哋今日揀咗個海大蝦麻辣雞煲(BB辣)。店員上煲時會留低計時器，方便控制煮雞的時間🧭，雞件🐓煮熟後肉質非常嫩滑，海蝦🦐口感彈牙，加上洋蔥、蒜、薑、辣椒及芫茜，味道十分香辣野味🤤。鮑魚海鮮船 (一次性) 每位+$50海鮮種類多又夠新鮮🥰，鮑魚和海蝦🦐口感彈牙，珊瑚片脆口，帶子、龍躉魚片、蟶子及蜆味道鮮甜，生蠔大隻口感creamy😍。刺身 (無限追加) 每位+$50三文魚、甜蝦、馬刀貝、鮑魚片及榮螺片等，新鮮味美😋。和牛拼盤 (無限追加) 每位+$50牛小排、封門柳、牛板腱、牛肉眼及牛肩胛，全部都肉味香，質感柔軟🥰。牛小排🐂油脂更香，口感更軟滑，可以無限追加真係抵食，我地encore了好多次🤤。其他火鍋食材，可以透過QR code📱追加，亦可在自助區自行選取蔬菜、丸類、醬料、麵食、飲品及雪糕等。講真一開頭真係無抱太大嘅期望😆，不過佢地嘅雞煲真係非常好食，好有水準👍；刺身任食只需加$50，以呢個質素，性價比非常之高；海鮮船🛥個人認為更加係必叫之選，海鮮非常新鮮生猛；如果鍾意食牛，和牛拼盤一定要叫，請你食個牛小排🐂都值回票價。最後加咗咁多嘢連埋+10%，都係$400到，性價比真係高😊。
continue reading