Video
Read full review
2024-02-21
332 views
尖沙咀 📌【 How to live well 】尖沙咀河內道18號 K11購物藝術館2樓老友A 早排親人 & 狗仔走咗 🥲 一直都好 depressed 。喺 Open Rice 🍚 見到呢一間餐廳【 How to live well 】個名好有意思，就揀咗呢間位於📍尖沙咀河內道 K11嘅餐廳，同老友A食個晚飯 🍽️呢度環境以木系裝修做主，色調諧和，樓底好高，令人有種好舒服平靜、休閒素顏嘅感覺 🌿▪️油揚脆豆腐沙律 🥙 $88 豆腐驟眼睇好似麻麻地，但食落外層微脆，口感內軟帶少少甜 🥗 沙律菜用咗日式和風醬汁再配蕃茄仔🍅黃蘿蔔等配菜，略嫌呢個價錢，性價比就欠奉。▪️三文魚西京燒 • 彩椒莎莎 🌈 $198三文魚上沾滿了🌈 彩椒脆脆↝好靚呀 😍 而伴上魷魚乾塊［哈哈↝初頭以為係粟米片］都提升咗呢度菜嘅口感同味道。 魚皮係輕輕煎炸過，加埋彩椒脆物更加香脆，口感滿滿噠 ; 而三文魚肉質好 juicy 又有油香，色 • 香 • 味俱全↝ 私心推介 🩵▪️慢煮四元豚肉 • 蓉蓉 • 肉桂蘋果 🍎 $198 朋友切咗一舊仔比我，我擺落口第一下就已經話： “好好食喎” 😋 初頭見到🥩 咁鬼厚，仲怕會好 “
尖沙咀河內道18號 K11購物藝術館2樓
老友A 早排親人 & 狗仔走咗 🥲 一直都好 depressed 。喺 Open Rice 🍚 見到呢一間餐廳【 How to live well 】個名好有意思，就揀咗呢間位於📍尖沙咀河內道 K11嘅餐廳，同老友A食個晚飯 🍽️
呢度環境以木系裝修做主，色調諧和，樓底好高，令人有種好舒服平靜、休閒素顏嘅感覺 🌿
▪️油揚脆豆腐沙律 🥙 $88 豆腐驟眼睇好似麻麻地，但食落外層微脆，口感內軟帶少少甜 🥗 沙律菜用咗日式和風醬汁再配蕃茄仔🍅黃蘿蔔等配菜，略嫌呢個價錢，性價比就欠奉。
▪️三文魚西京燒 • 彩椒莎莎 🌈 $198三文魚上沾滿了🌈 彩椒脆脆↝好靚呀 😍 而伴上魷魚乾塊［哈哈↝初頭以為係粟米片］都提升咗呢度菜嘅口感同味道。 魚皮係輕輕煎炸過，加埋彩椒脆物更加香脆，口感滿滿噠 ; 而三文魚肉質好 juicy 又有油香，色 • 香 • 味俱全↝ 私心推介 🩵
▪️慢煮四元豚肉 • 蓉蓉 • 肉桂蘋果 🍎 $198 朋友切咗一舊仔比我，我擺落口第一下就已經話： “好好食喎” 😋 初頭見到🥩 咁鬼厚，仲怕會好 “鞋”，但係呢個慢煮豚肉真心好好食。 豚肉厚切啖啖肉，根本可以唔使再點個 🍄蘑菇醬汁，都已經好有肉香，好 juicy。伴菜係肉桂蘋果 🍎 醬同埋薯蓉，粒粒肉桂蘋果肉🍎 我覺得撈埋薯蓉食好夾，好好味，完全冇違和感，酸酸甜甜好開胃↝值得推介 🩵
▪️Passion Bloom 🍊 $58一杯有 Ribena • Passion fruit • Soda 嘅熱情果飲品，除有大量熱情果籽，並以酸甜的利賓納做 Base，味道都幾清新。
🔅 呢間餐廳每一個細節都彌漫著慢活嘅元素，其實人生雖然係有好多無可奈何嘅事情都要去面對，既然改變唔到環境，試下改變下心態，學習下慢活、享受下生活。共勉之 🧡老友，希望你↝ Live well 🦋
Post
