Video
Read full review
2014-04-24
1606 views
正日生日不在港所以家人提早陪我食生日飯想起幾年前在Delicatessen Corner 食過一次炸芝士真的是一試傾心！所以就襯今次好好回味一番吧〜餐廳位於酒店地庫的角落一個不留神，真的會搵唔到...訂咗枱七點鐘所以不用等位直入餐廳沒有限時交枱, very good!!雖然是星期六晚但並不算多人在尖沙咀很難得可以搵到一間靜靜地的餐廳，不錯！餐廳有很多木的裝修木枱，木椅，木酒桶...配合著紅地磚，古銅吊燈很有feel呀！這個情調，最好就是配合著一杯啤酒！可惜呀，今日要call, 實在不宜飲酒可恨呀可恨呀！無得飲唔緊要！最緊要有得食！睇睇menu，它的Set dinner 很抵食呀！只需二百幾大洋，就有齊沙律、湯、主菜、甜品及茶一個主菜已經二百大洋只要多加幾十大洋就可以有齊其他，當然要Set 啦！今晚一行四人，最後點了兩個set dinner 加隻豬手再加個伴菜就剛剛好啦〜點完菜，先上麵包籃，同上的有牛油及香草牛油內容都頗豐富〜有脆脆芝士條，芝味濃郁三、四款不同味道的麥包，全都麥味香濃還有pretzel, laugen roll 鹹鹹香香的，我喜歡呀~接著是香橙雞肉沙律（跟餐）雞肉有點＂鞋
所以家人提早陪我食生日飯
想起幾年前在Delicatessen Corner 食過一次炸芝士
真的是一試傾心！
所以就襯今次好好回味一番吧〜
餐廳位於酒店地庫的角落
一個不留神，真的會搵唔到...
訂咗枱七點鐘
所以不用等位直入
餐廳沒有限時交枱, very good!!
雖然是星期六晚
但並不算多人
在尖沙咀很難得可以搵到一間靜靜地的餐廳，不錯！
餐廳有很多木的裝修
木枱，木椅，木酒桶...
配合著紅地磚，古銅吊燈
很有feel呀！
這個情調，
最好就是配合著一杯啤酒！
可惜呀，今日要call, 實在不宜飲酒
可恨呀可恨呀！
無得飲唔緊要！
最緊要有得食！
睇睇menu，它的Set dinner 很抵食呀！
只需二百幾大洋，就有齊沙律、湯、主菜、甜品及茶
一個主菜已經二百大洋
只要多加幾十大洋就可以有齊其他，當然要Set 啦！
今晚一行四人，最後點了兩個set dinner 加隻豬手再加個伴菜就剛剛好啦〜
點完菜，先上麵包籃，同上的有牛油及香草牛油
內容都頗豐富〜
有脆脆芝士條，芝味濃郁
三、四款不同味道的麥包，全都麥味香濃
還有pretzel, laugen roll 鹹鹹香香的，我喜歡呀~
接著是香橙雞肉沙律（跟餐）雞肉有點＂鞋＂
但沙律配香橙都頗清新可口
凱撒沙律（跟餐）清新的羅馬生菜配上鹹香的煙肉碎，香脆的麵包粒，香濃芝士，很滋味！
加上它的醬料調得剛好，不會過鹹也不會過多
初初以為跟餐的沙律不會很多但原來都頗足料
讚讚！
匈牙利牛肉濃湯（跟餐）
很濃的牛肉味，牛肉很有咬口
湯入面有很多蔬菜，所以這個濃湯亦帶有蔬菜的甜味
這個濃湯也很足料！湯料足足有半碗〜
可能有蔬菜的關係，這個湯一點也不油膩
洋蔥湯（跟餐）咦？我的芝士多士呢？
原來這個洋蔥湯是沒有芝士多士的...失望呀...
可幸的是，它的味道不錯！滿口洋蔥香！
飲過湯，食過麵包沙律，其實已經半飽
但一見到主菜
胃口又立刻回來了！
牛柳拼玉米餅（餐主菜）
牛柳要了五成熟，成品是剛好的五成，帶點粉紅色的牛，顏色對板，本想應該是不錯的
可惜入口沒有什麼牛味，肉質頗為靭
質素麻麻
不過，玉米餅就要大讚啦！
薄薄的一片，外脆內軟，滿滿的玉米，好味！
招牌雜腸（餐主菜）足足有四大條
最好食的是白色粗粗的那條，肉味濃郁，質感軟滑
另外三條...沒什麼印象
但質素都很ok的！
腸的底下有酸椰菜及烚薯，可以中和一下腸的漏漏感
同上的有芥茉及BBQ醬，其實腸的味道本身已很濃郁，不用醬也很好食
德國燒豬手伴酸椰菜這個豬手好！！
外皮脆卜卜，放久了也不會軟趴趴
肉質軟滑可口，不會過鹹
有一件pretzel同上，我又可以多食一件啦^^
這個豬手其實外賣更抵!! 外賣不用一百大洋~~~
買回家，只要叮一叮就可以~
下次我都要買回家試試~~
瑞士薯餅滿滿的薯條絲，煎得很香口
單食不點任何醬汁都好好味〜
食完飽哂等候甜點的時候
去咗它的凍櫃睇，原來都頗多麵包，腸，火腿，芝士賣
細問之下，才知道原來呢度啲腸腸都是自家廠房製
一家之煮聽到之後十分開心
立刻買了兩包~
另外，原來麵包八點後有discount，所以又忍唔住手，買咗幾個啦~~
開開心心買完之後，甜點上場啦~~
Coconut cheese cake（跟餐）
味道不錯，椰子味重，芝味比較輕柔，非常軟滑，不錯~
配上雪糕，生果一起食，很好!
Mango Cake（跟餐）其實原本都是coconut cheese cake，但我們想多試一點其他，所以問店員可否轉其他
店員說，可以轉其他蛋糕，所以我們就選了芒果啦~
反而這個蛋糕很一般~
跟餐有兩杯飲品，太飽的關係，我們都選了熱檸茶~整整一大壺的茶，茶味頗香濃~ OK~
四個人，平均二百大洋，
這樣的質數，真的很抵食~
加上這裡沒有限時，服務態度又好，餐廳環境舒服又有情調
絕對可以再encore 呀!!
p.s. 今次買了Farmer bread, German Rye bread, Pretzel, 小牛肉腸，豬肉腸回家~
包包第二日食都好好味，很香濃的麥味~
腸的質素也很好，肉味濃而軟滑，一家之煮大讚呢~~~
Post
