船渦

Open Now

Now Closed

店內裝修得好靚，一人一鍋中間有竹蓆做屏風，好有私隱度，整體用餐體驗非常好。我哋叫咗一個內務總管套餐，套餐已經包咗好多款海鮮，有鮑魚、蟶子、元貝同埋鮮蝦。另外熟食亦都係餐廳嘅驚喜之作，我哋試咗吉列炸蠔、雞軟骨餃子同埋明太子釀雞翼。等緊蒸海鮮嘅同時都唔使餓着個肚，又係一個抵讚嘅細心位。而且質素好高，吉列炸蠔外脆內軟，炸粉唔會太厚。明太子釀雞翼，性價比好高，大大隻，明太子嘅微微辣味，點綴咗隻雞翼。另外要特別推介佢嘅三色燒賣，完全估唔到蒸氣火鍋原來仲可以蒸燒賣。蝦滑釀燒賣，食落非常之彈牙。