Video
Read full review
2020-12-27
922 views
一個人出左銅鑼灣sogo買聖誕禮物，順便食個午餐先去大出血，咁岩今日係冬至，既然冬大過年，就上開飯搵間附近既食店，食餐豐富冬至餐。在開飯app搵到虎鐵鐵板燒，記得有朋友去過，再問朋友意見，見佢都極力推介，又咁近地鐵站，咁就上去，環境很舒服，坐位亦都好寬闊再望望餐牌，見有幾個套餐選擇，咁就揀個精選套餐，來個一人冬至餐頭盤係沙律: 蘋果粒配上沙律菜，再加上柚子汁，很清新海膽黑松露溏心蛋: 首先賣相靚，原隻溏心蛋蛋黄晶莹 ，上面放埋海膽及少少黑松露，口感好滑流，仲有食用金箔，靚呀香煎日本蠔: 師傅煎到好香口，蠔本身好大隻，又肥美，仲有乾蔥蒜煙肉粒，侍應提議我要一齊食，口感更加有層次，仲好香口車海老配鮮蝦汁: 蝦夠彈牙，而且成隻蝦剝左殼，好爽呀，侍應姐姐又提示要點埋蝦汁同食，鮮甜荔枝咸檸whisky soda: 食日本野點少得飲番杯，呢杯就岩晒我口味西班牙黑毛豬薄燒 + 香煎野菜 : 黑毛豬並沒有豬臊味，而係肉質嫩口肉汁多，連埋蒜片及野菜(翠肉瓜、大啡菇及南瓜)一齊食好惹味白飯魚苗薑粒炒飯: 其實食到呢度已經好飽，但係呢個飯真係好無得頂，首先炒飯炒得好均勻及煙韌，加左姜粒口感更香，面仲有煎
再望望餐牌，見有幾個套餐選擇，咁就揀個精選套餐，來個一人冬至餐
頭盤係沙律: 蘋果粒配上沙律菜，再加上柚子汁，很清新
海膽黑松露溏心蛋: 首先賣相靚，原隻溏心蛋蛋黄晶莹 ，上面放埋海膽及少少黑松露，口感好滑流，仲有食用金箔，靚呀
香煎日本蠔:
師傅煎到好香口，蠔本身好大隻，又肥美，仲有乾蔥蒜煙肉粒，侍應提議我要一齊食，口感更加有層次，仲好香口
車海老配鮮蝦汁: 蝦夠彈牙，而且成隻蝦剝左殼，好爽呀，侍應姐姐又提示要點埋蝦汁同食，鮮甜
荔枝咸檸whisky soda: 食日本野點少得飲番杯，呢杯就岩晒我口味
西班牙黑毛豬薄燒 + 香煎野菜 : 黑毛豬並沒有豬臊味，而係肉質嫩口肉汁多，連埋蒜片及野菜(翠肉瓜、大啡菇及南瓜)一齊食好惹味
白飯魚苗薑粒炒飯: 其實食到呢度已經好飽，但係呢個飯真係好無得頂，首先炒飯炒得好均勻及煙韌，加左姜粒口感更香，面仲有煎香左既白飯魚，雖然好飽但係成碗KO
昆布豆腐湯 & 柚子雪糕: 豐富的一餐飯，飲埋呢碗湯及食埋個甜品雪糕，呢餐冬至飯真係好滿足。
Post
