Video
Read full review
2019-12-27
836 views
聖誕同先生二人世界，素來對浪漫嘅燭光晚餐冇乜感覺嘅我，拉咗先生嚟食個麻甩嘅聖誕蒸鍋。餐廳標榜全港首創一人一蒸鍋，而且海鮮係每日由漁市場新鮮運到。一入去就見到一大面魚缸，有大量龍蝦、象拔蚌、瀨尿蝦同鮑魚等生猛海鮮。座位設計好似日本嘅拉麵店，每個位之間有竹蓆可以垂低，間隔靈活萬變，亦好有私人空間，即使一個人嚟都唔會尷尬。枱面有清晰指引，指導食客各樣食材嘅蒸煮時間，店員亦好有耐性教導蒸鍋嘅使用方法。我哋各自叫咗個八府巡按套餐，首先上枱嘅係好豐富嘅海鮮船，有沙白、鮮魚片、鮑魚、黃金蚌、蟶子皇、帶子、龍蝦、蟹同鮮蝦，夠哂豪華，童叟無欺。一人一個蒸鍋，本來以為蒸鍋的的骰骰火力應該唔會好猛，但啲蒸汽都幾大。沙白海水味重，鮮味十足，而且一啲沙都冇。鮮蝦用竹籤串住，方便食用，隻隻肥大新鮮。龍蝦開邊，蝦頭有滿滿嘅膏，甘香甜美，肉質結實彈牙。呢三件蚌貝係我至愛，鮮味爽口，特別係蟶子皇。食完海鮮未夠喉，仲有葷素各一籃，肉類方面可以雞腿肉、安格斯牛肉同豚肉三揀二，我就揀咗雞同牛，兩者都好新鮮，特別係安格斯牛，油脂紋理分佈均勻，入口牛味頗濃，油香四溢。另外仲有三色點心，整成燒賣形狀，分別用豬、牛同蝦做涵，入口新鮮
一入去就見到一大面魚缸，有大量龍蝦、象拔蚌、瀨尿蝦同鮑魚等生猛海鮮。
座位設計好似日本嘅拉麵店，每個位之間有竹蓆可以垂低，間隔靈活萬變，亦好有私人空間，即使一個人嚟都唔會尷尬。枱面有清晰指引，指導食客各樣食材嘅蒸煮時間，店員亦好有耐性教導蒸鍋嘅使用方法。
八府巡按套餐
$358
18 views
1 likes
0 comments
我哋各自叫咗個八府巡按套餐，首先上枱嘅係好豐富嘅海鮮船，有沙白、鮮魚片、鮑魚、黃金蚌、蟶子皇、帶子、龍蝦、蟹同鮮蝦，夠哂豪華，童叟無欺。
八府巡按套餐
$358
41 views
1 likes
0 comments
一人一個蒸鍋，本來以為蒸鍋的的骰骰火力應該唔會好猛，但啲蒸汽都幾大。
沙白海水味重，鮮味十足，而且一啲沙都冇。
鮮蝦用竹籤串住，方便食用，隻隻肥大新鮮。
龍蝦開邊，蝦頭有滿滿嘅膏，甘香甜美，肉質結實彈牙。
呢三件蚌貝係我至愛，鮮味爽口，特別係蟶子皇。
八府巡按套餐
$358
16 views
0 likes
0 comments
食完海鮮未夠喉，仲有葷素各一籃，肉類方面可以雞腿肉、安格斯牛肉同豚肉三揀二，我就揀咗雞同牛，兩者都好新鮮，特別係安格斯牛，油脂紋理分佈均勻，入口牛味頗濃，油香四溢。另外仲有三色點心，整成燒賣形狀，分別用豬、牛同蝦做涵，入口新鮮彈牙。
八府巡按套餐
$358
12 views
1 likes
0 comments
蔬菜籃方面有粟米、鮮冬菇、娃娃菜、南瓜、金菇同生菜，選擇眾多，份量適中。
開始蒸之前要先揀粥底或者麵底，我揀嘅係粥底，店員會先喺蒸鍋底放入幾件芋頭同南瓜，食完蒸鍋之後就可以直接加入粥底，變成綿滑嘅海鮮南瓜芋頭粥，又香又鮮，而且唔會太鹹，我食咗足足兩碗，超級飽！
最後當然唔少得甜品，分別係椰汁黑糯米同榴槤雪條，為完美嘅晚餐畫上句號。一大班人圍住食嘅蒸鍋就食得多，第一次食一人一鍋，感覺非常良好，食乜先都可以自己話事，電子爐仲可以較好功率同時間，非常方便，而且因為一人一鍋，空間感反而較大，成班朋友嚟都唔需要迫埋一齊，無論係毒毒自私吃、二人世界抑或係朋友聚會都毫無難度！
Post
