船渦

Open Now

Now Closed

火鍋店嚟講，船渦環境非常乾淨。另外餐廳每一枱都用竹廉隔開，私隱度好高👍🏻枱上面既提示紙清楚寫明每款海鮮、肉類同菜類蒸煮所需既時間，我唔使驚會蒸過龍，非常貼心😍- 九品芝麻套餐前菜係章魚燒，外皮香脆熱辣，醬油味道啱啱好唔會太鹹。蟶子新鮮彈牙，味道夠鮮甜唔駛點任何醬汁。鮑魚肉質彈牙，蜆肉一樣好鮮甜，其他海鮮包括蝦、鮮魚片同鮑魚都唔錯！肉類三選二，我揀左豚肉片同肥牛，前者口感柔嫩，肥而不膩，後者口感爽滑，肥瘦適中。丸類有三粒，三粒都係唔同味道，包括招牌墨魚丸、薑汁皮蛋貢丸同牛骨濃汁牛丸，全部都肉質彈牙。最後仲有芋頭南瓜粥，粥底非常綿密，而且同海鮮精華全部融為一體，加上南瓜同芋頭既香甜，非常滋味。- 內務總管套餐內務總管套餐既前菜係吉列炸蠔，外皮非常酥脆，一口咬落鮮嫩多汁。海鮮方面，對比九品芝麻套餐元貝同蟶子皇換咗鮮魚片，另外我加$1換購多一隻鮑魚😍，元貝味道幾鮮甜。肉類一樣係三揀一，今次試埋雞腿肉，以為蒸煮之後肉質會好老，但結果係啱啱相反，食落啖啖肉好Juicy👍🏻粥底揀咗蟹膏蟹肉粥，每一啖粥都食到一絲絲嘅蟹肉，再加上原先海鮮蒸煮時留低嘅精華，真係鮮味十足😋船渦嘅一人海鮮蒸氣火鍋真係好抵食。