船渦

Open Now

Now Closed

同男朋友sogo行完街， 佢話想食海鮮，所以上網搵左呢間海鮮粥底蒸氣火鍋食。 有幾個套餐選擇，我地擇左最平*九品芝麻*， 呢道係一人一蒸氣鍋，枱與枱之間設拉簾， 私隱度夠哂高，超正！首先黎個蟹籽沙律開下胃。章魚燒外脆內軟，入面仲有章魚粒粒，食落彈牙。呢個餐海鮮有白蜆、蝦、鮮魚片、大蜆、扁蟶子、鮑魚。全部都係好新鮮，鮑魚上枱時仲係識郁嫁😆蜆同聖子食落鮮甜，完全冇晒沙👍🏻蝦肉彈牙，頭部好多膏😋鮑魚都好鮮甜，食落爽彈！另外仲會跟2款肉類，叫左牛同豬， 2樣都肉質鮮嫩， 牛肉味香濃。三款肉丸都好出式， 最愛墨魚丸， 口感爽彈仲要真係有墨魚粒係，食落好有層次感，好好味蔬籃都好豐富， 食完哂店員幫手整埋個海鮮南瓜粥，粥底吸收哂海鮮既精華，充滿鮮味。最後仲有甜品作結，勁滿足。