一起果醬 (Closed)

疫情好轉，都多返機會同朋友出去食嘢打卡傾計～👭呢間餐廳之前好想去，但約來約去一係唔啱時間，一係疫情關係冇得去，今次終於去得到。餐廳細細間，但座位空間都足夠，店員服務都好nice，除左提我地用餐時間外，都會比足夠時間我地點菜。點菜方面，當然唔少得打卡經典既果醬九宮格多士，另外由於空肚無食早餐關係，所以我地仲叫埋all day breakfast🍳🥓🍅🥐🥗及 炸香草芝士條🧀🥖首先講吓果醬九宮格多士，麵包剛到個時，係外脆內軟，但食耐左後係有點偏硬，不過加上返9種唔同水果既果醬，口感上係會加返分另外All day breakfast 我欣賞佢個牛角包🥐，鬆鬆軟軟加上炒滑蛋，口感一流最後當然亦唔少得炸香草芝士條，一上枱時，已經聞到啲芝士香味，再加上香草醬，食多幾條都唔怕膩。