Marco's Oyster Bar & Grill (Moved) New Location

星期二有朋自遠方來，上網見到呢間，就買左 coupon 夜晚去食，點知坐低先知原來要預訂，自己 overlook 左，唯有散叫啦，張 coupon 留下次用。叫左個煙三文魚 Cesar salad，好大盆菜，但三文魚得幾塊。卡邦尼意粉，個汁太 solid，入口個汁完全一 pat pat，味道唔夠濃。主角登場，肉眼扒，五成熟，上檯幾靚，但一切落去知瀨左野，完全切唔開，入口韌到呢，完全唔想食。呢餐盛惠 $477，唔貴，但唔值。今日去用埋張 coupon，salad，湯，蠔都可以，到主菜我死唔信邪俾多次機會佢，都係 order 肉眼扒，點知我咀叼家姐跟我一樣，結果，當然係媽媽聲啦，我要5成，上檯3成，一邊食一邊滲出血水，又係切唔開的。真係大家樂好過佢，決定永遠唔再去食。