Video
Read full review
2021-04-20
1415 views
一直都好想試下六公館，今日周年紀念日就黎試試佢。提提大家要訂左位先，因為walk-in未必有位。🔸Rose lychee ($28/1)$28一位，可以加水。每加一次水，啲茶味又會有唔同。一次比一次濃，第一杯好淡，但慢慢就飲到有玫瑰同荔枝味。🔹Bbq pork w/ honey $328 係我食過最貴既叉燒，亦都係最好味既叉燒。未食之後會覺得到底有咩咁好味值咁貴？但係一食就會覺得真係好好味值依個價。叉燒好稔，肥瘦適中，亦都好甜，好香。一定要試👍🏻👍🏻👍🏻🔸Beancurd with fungus $248 想叫碟菜，所以最後就揀左豆腐。我覺得啲菇出色過豆腐，啲菇口感好特別，食完一舊會想再食第二舊。🔹Smoked duck $298 一黎到已經覺得好香煙薰味，食落都覺得有陣陣煙薰味。而面頭果啲係茶葉，平時好少食到。不過如果啲肉多啲就好，因為隻鴨都有好多肉，實陣唔係好多肉食到。🔸Scallop fried rice $268 無諗過炒飯會係咁既樣，同埋有汁。不過味道就唔算話好特別，但賣相係吸引既。🔹Panna cotta $158 不得不提依個甜品，一黎到已經有啲乾冰整出黎既煙，佢個碟有機
🔸Rose lychee ($28/1)
$28一位，可以加水。每加一次水，啲茶味又會有唔同。一次比一次濃，第一杯好淡，但慢慢就飲到有玫瑰同荔枝味。
🔹Bbq pork w/ honey $328
係我食過最貴既叉燒，亦都係最好味既叉燒。未食之後會覺得到底有咩咁好味值咁貴？但係一食就會覺得真係好好味值依個價。叉燒好稔，肥瘦適中，亦都好甜，好香。一定要試👍🏻👍🏻👍🏻
🔸Beancurd with fungus $248
想叫碟菜，所以最後就揀左豆腐。我覺得啲菇出色過豆腐，啲菇口感好特別，食完一舊會想再食第二舊。
🔹Smoked duck $298
一黎到已經覺得好香煙薰味，食落都覺得有陣陣煙薰味。而面頭果啲係茶葉，平時好少食到。不過如果啲肉多啲就好，因為隻鴨都有好多肉，實陣唔係好多肉食到。
🔸Scallop fried rice $268
無諗過炒飯會係咁既樣，同埋有汁。不過味道就唔算話好特別，但賣相係吸引既。
🔹Panna cotta $158
不得不提依個甜品，一黎到已經有啲乾冰整出黎既煙，佢個碟有機關可以收埋啲乾冰係入面。依個甜品好重茶味，而且整得好滑。不過旁邊粒朱古力就甜左小小，但係一齊食就可以中和番。
Post
