Video
Read full review
2017-10-04
10223 views
賴生再次因爲工作關係路經上環，當然要把握機會同屈小姐Lunch黎個小聚，賴生都未諗食咩既時候，屈小姐已經衝口而出講：「雞功房！」，勁難得屈小姐會咁決斷，賴生當然負責上去拎位啦！唔知係咪呢個鐵竇揚左既關係，今次賴生12:30黎到，外面已經排左勁多人！而且加左個規矩就係⋯人齊入座，賴生只好乖乖拎飛通知屈小姐慢慢黎等左大約20分鐘之後，終於到賴生同屈小姐入座啦！（第6張枱左右啦）當然，賴生同屈小姐係唔會浪費等候既時間，用左lift lobby 張大餐牌開番個2人會議，商量下食咩啦！不過，咦？冇左雞湯浸菜既？唯有揀蘿蔔先啦⋯⋯（但原來呢張餐牌唔update既，入到去我地先發現有雞湯浸菜），所以入到去我地叫左雞湯浸菜+1人1個Main賴先生之選1) 海南雞飯：爆5⭐️呢個海南雞飯真係好得！再次食佢既味道仲昇華左！佢仲配左碟招牌甜豉油同泰式酸辣汁比你點! 雞件好滑，骨肉好容易就分離，皮下冇脂肪咁濟，面頭層雞皮好薄，單純一個滑字就可以形容到! 而且雞肉味濃，點甜豉油就令雞味更突出，扯晒個雞味出黎! 一個靚既甜豉油配埋滑雞，真係十級夾! 不過，賴生同屈小姐都係鍾意點泰式酸辣汁，酸酸地辣辣地，夠晒惹味!
等左大約20分鐘之後，終於到賴生同屈小姐入座啦！（第6張枱左右啦）
當然，賴生同屈小姐係唔會浪費等候既時間，用左lift lobby 張大餐牌開番個2人會議，商量下食咩啦！不過，咦？冇左雞湯浸菜既？唯有揀蘿蔔先啦⋯⋯（但原來呢張餐牌唔update既，入到去我地先發現有雞湯浸菜），所以入到去我地叫左雞湯浸菜+1人1個Main
海南雞飯
$65
176 views
0 likes
0 comments
賴先生之選
1) 海南雞飯：爆5⭐️
呢個海南雞飯真係好得！再次食佢既味道仲昇華左！佢仲配左碟招牌甜豉油同泰式酸辣汁比你點! 雞件好滑，骨肉好容易就分離，皮下冇脂肪咁濟，面頭層雞皮好薄，單純一個滑字就可以形容到! 而且雞肉味濃，點甜豉油就令雞味更突出，扯晒個雞味出黎! 一個靚既甜豉油配埋滑雞，真係十級夾! 不過，賴生同屈小姐都係鍾意點泰式酸辣汁，酸酸地辣辣地，夠晒惹味! 又唔會太重口味！
今次個雞飯好食左既原因係咩呢? 就係個飯底啦，D珍珠米吸滿晒面層D雞件滲落去既雞油，今次既雞油豐厚左，充分滲滿晒成個飯，令D飯充滿油香，就咁食已經好好食!! 再加埋雞公房秘制既辣菜譜(免費任加)，唔係太辣，但重點係香! 加入白飯入面撈黎食，令D沾滿左雞油既珍珠米，香上加香，菜譜既辣味就加添左白飯既風味，比起上一次食更加出色!
客家黃酒雞新竹米粉
$65
145 views
2 likes
0 comments
屈小姐之選:
2) 黃酒雞湯新竹米粉 : 4⭐️
由於被雞功房既黃酒雞湯深深吸引住，而屈小姐既同事又於日前同佢講個黃酒雞湯米係同海南雞飯跟果碗黃酒雞湯係一樣既，所以屈小姐今次就揀左呢個! 不過事實上，個湯底係唔同嫁!!! 呢個湯底加左蟲草花同杞子，無左原本個黃酒雞湯咁重既藥材味，反而係甜味為主，而且呢個湯底加入左雞件入去煮，所以係3個湯入面(黃酒雞湯/黃酒雞湯浸菜/黃酒雞湯米粉)，呢個係最甜既一個湯! 配埋索湯既新竹米粉，的確係好食既! D新竹米粉仲好幼同好彈牙添!
不過相比海南雞飯既雞件，呢碗黃酒雞湯既雞件就失色左啦，無左最大既特色 - 滑，肉質就鞋身左D，仲有好多骨，冇咁好食LU~~!!
黃酒雞湯米粉既出色之處係鮮甜既湯底，但如果鍾意食雞既都係叫番海南雞飯會好D~~!!
雞湯浸菜
$20
81 views
0 likes
0 comments
3) 雞湯浸菜:5⭐️
呢碗就係我地差D錯失左既雞湯浸菜，好彩我地入到去再睇1次個餐牌! D小棠菜好靚呢，幾乎每棵都一樣size，一啖一棵，份量都唔少嫁，我地每人都分到7-8條左右，加上D菜就因為吸左黃酒雞湯既味令D菜夠晒甜，而小棠菜既菜味又回滲番入雞湯度，令個雞湯多左份小棠菜既味道，甘甘甜甜咁，賴生同屈小姐係面前放晒3碗湯(黃酒雞湯/黃酒雞湯浸菜/黃酒雞湯米粉)不斷換黎試，3個都各有風味!正
黃酒雞湯
81 views
0 likes
0 comments
呢碗就係招牌既黃酒雞湯喇!! 係3碗入面最正宗既一碗，黃酒已經煮透，酒味已經渾發晒，剩番酒既清甜味係湯度，而且個湯加左幾種藥材，令個湯帶藥材味，飲左好暖胃!! 假如再貼心D，等客人食完個雞飯先再上，我諗個湯個溫度仲可以再熱D，再熱D個湯更好味呢!!
食完之後，會有個自家制超滑既布甸送嫁!! 可惜係阿華田味，賴生就對類似朱古力味既野有D抗拒(包括阿華田)，而屈小姐就(聲稱)地獄式減肥中，所以我地2個都比番佢唔食LU~~~!!
其實一個Lunch有湯有飯有菜有雞有甜品，真係好完滿 假如個布甸係有其他味，例如晚市供應既芝麻豆腐布甸味就好喇!!!
埋左單之後，賴生同屈小姐就盡快離開比下一枱人坐啦....點知比賴生發生原來有秘制既辣菜譜賣呀~~~$60蚊1樽....好想買阿!! 可惜賴生都係要(陪)減肥冇得食!!
#雞功房癮起
#油香四溢
#雞，全部都係雞
#無骨滑雞最好食
#值得等待
#能與屈小姐食lunch是快樂的一天
#咩煩惱都冇晒
Post
