Brass Spoon (Closed)

Brass Spoon 攞咗米芝蓮美食推介，所以就算中午 12點鬆啲行過，都好多人排隊，於是我次次都放棄，要我排隊，真係唔想😆，因為中午午飯時間得1個鐘。今日行過唔使排隊，可能因為疫情嚴重咗，中環上班族寧願留喺公司食飯。我即刻入去試吓先，平時我好少食牛，但係佢嘅牛肉粉係好出名，所以想試試佢嘅魅力。我點咗個「生、熟牛肉粉$86」個湯睇落去好清澈，飲啖湯先，有牛骨味，幾清甜🌱，一啲都唔覺得油膩，食完亦都唔覺得口渴，牛肉厚薄同肥瘦適中，肉味香濃。但係個份量比較細，女仔夠飽，男仔可能要多點一個春卷才夠～😄