Pasticceria Giovanni Pina 1920 (如心廣場一期) (Closed)

經過如心廣場，與友被其店內陳列的甜品所吸引，姑且一試甜品的確好味。餐廳環境雅致，店員親切，仲免收加一確係難得。即烤蘑菇火腿水牛芝士拖鞋包三文治(配甜薯條) $128 三文治份量十足，二人分享先食得晒，餡料夾住沙律菜、蕃茄片、火腿、蘑菇、水牛芝士，要無曬儀態咁大啖咬落去先可以一啖過食晒所有餡料，爽呀。 Pasta Set $228 蕃茄忌廉湯湯底濃郁茄味十足，蕃茄酸甜適中，飲落令人開胃。 大蝦肉醬意粉肉醬份量足以掛滿意粉，再蓋上一層半溶芝士，香味倍增，三隻大蝦爽口彈牙，意粉亦都唔錯。 精選蛋糕(棋盤)蛋糕外層舖上椰絲，頂層舖滿忌廉、吉士及朱古力醬。切開入面每層海綿蛋糕均以吉士醬及朱古力醬分隔，混合一齊食味道甜美可口，忍唔住買多件回家食。 經典米蘭咖啡咖啡杯旁伴上一件提子小曲奇，食完甜品飲啖香醇咖啡，的確幾滿足。