莆田 (荷里活廣場)

Open Now

Now Closed

上次食完莆田，真係好中意佢原汁原味嘅煮法，睇到佢出咗時令menu，即刻試試。宜家有七款時令海蠣節菜品，每款睇落都好美味。如果想試多2款，仲可以用特價$228揀其中2款菜品TIM。冰鎮南日鮑魚，用咗自家制鮑魚汁慢煮後，再放落雪櫃冰鎮，鮑魚食落鮮甜彈牙，仲有少少醬香。白切羊肉，落咗薑蔥香料等白灼羊肉，羊肉緊實羊皮爽口。哩種處理方法，即可以食到羊肉原味，又唔會覺得膻。推薦點埋莆田特製辣椒醬，辣椒醬酸辣惹味，同羊肉好夾。經典撈汁海蠣，今次時令菜品。海蠣過水之後，加入秘制撈汁再冰鎮，撈汁加入大量蒜蓉辣椒，酸辣鮮甜入到海蠣，好惹味。海蠣個頭唔算好大，不過勝在肉質鮮甜飽滿。酒香竹筒蝦，我同FD最愛。落咗數十款藥材煲制，其中當歸最搶味，飲落回味清甜。芋泥香酥鴨，鴨肉外裹左芋泥酥皮一齊油炸，切開唔會散開，烹飪水準好高。芋泥綿密鬆軟口感同鴨肉好夾，再加埋酥脆外皮，口感好豐富。薄荷枇杷凍，枇杷鮮甜多汁，啫喱唔會好甜同埋有淡淡山楂香。落咗少少薄荷香精，讓成份甜品味道更加清新。