Video
Read full review
2012-12-17
13 views
好朋友生日，喺OPENRICE SEARCH餐廳食乜好時，成日都見到呢間餐廳ON TOP，暨且見佢個名咁特別："天機"棧扒房，好想知道有咩"天機"喺入面，所以好奇之下就BOOK咗位去試。喺繁華鬧市既MK，一上到嚟呢間餐廳有遠離塵囂既感覺。裝橫雖不見得華麗，但整體寬敞舒適。原先喺OPENRICE睇啲食家食評已經諗定想食豬西冷，但一打開個餐牌見個價錢比起喺OPENRICE啲食家POST既相所見到既價錢相差咁遠，又唔見有SET DINNER個MENU喎…所以就選擇咗個二人餐，有好朋友鐘意食既心太軟，又有肉眼扒食, $398/SET算係咁啦…其次仲見到我最喜愛既生蠔拼盤，$168/SET (有6隻蠔)，超抵！所以ORDER咗1SET。呢個WAITER都幾好架…一早就幫我哋啲FOOD安排先後次序，而且又似高級餐廳既上菜流程咁，係每個COURSE續一上，見你食完呢個COURSE先會上下個COURSE，呢樣嘢係呢間餐廳度值得一讚。第一道菜先嚟我最愛的生蠔拼盤，3款唔同既蠔種TOTAL 6隻，味道新鮮到好似喺海啱啱撈上嚟咁，如果你鐘意食含有海水味既生蠔，呢度值得推介，所以不禁食完呢半打生蠔再ENCOR
喺繁華鬧市既MK，一上到嚟呢間餐廳有遠離塵囂既感覺。裝橫雖不見得華麗，但整體寬敞舒適。
原先喺OPENRICE睇啲食家食評已經諗定想食豬西冷，但一打開個餐牌見個價錢比起喺OPENRICE啲食家POST既相所見到既價錢相差咁遠，又唔見有SET DINNER個MENU喎…所以就選擇咗個二人餐，有好朋友鐘意食既心太軟，又有肉眼扒食, $398/SET算係咁啦…
其次仲見到我最喜愛既生蠔拼盤，$168/SET (有6隻蠔)，超抵！所以ORDER咗1SET。
呢個WAITER都幾好架…一早就幫我哋啲FOOD安排先後次序，而且又似高級餐廳既上菜流程咁，係每個COURSE續一上，見你食完呢個COURSE先會上下個COURSE，呢樣嘢係呢間餐廳度值得一讚。
第一道菜先嚟我最愛的生蠔拼盤，3款唔同既蠔種TOTAL 6隻，味道新鮮到好似喺海啱啱撈上嚟咁，如果你鐘意食含有海水味既生蠔，呢度值得推介，所以不禁食完呢半打生蠔再ENCORE半打，真係超回味。喺MK用呢個價錢，食到咁新鮮既生蠔，喺邊度揾？接著就嚟餐湯餐包，蒜蓉包脆脆香口，重點我想講個餐湯又係好好飲，因為係我最喜愛既蘑菇湯，整個湯唔重奶味，比較"傑"身，仲有啲蘑菇粒粒咬，最讚賞係中間果粒以為係原整蘑菇，但原來係珍寶帶子，粒帶子鮮甜唔韌，好好食…
食完1打生蠔，飲埋餐湯食埋餐包，我同我好朋友都話飽咗1/3，但我哋仲未食完前菜…個waiter喺朋友後面擺哂陣喺度整嘢食，睇下整咩啦…原來係即場撈緊我哋個set既salad…呢part我覺得真係有點無胃，salad啫…唔駛拎出嚟擺陣撈嘛…又唔見得有什麼特別？？奉勸餐廳要改善下呢part。
終於嚟到主菜，我同好朋友都ORDER個鵝肝多士配肉眼扒。我一向都食5成熟，不過我塊扒似乎過咗啲火喉，似7成多啲…唔知會唔會因為炭燒既原固呢？所以廚師唔覺意燒耐咗…鵝肝煎得不夠香口，塊多士咪又係頭先餐湯配果片蒜蓉包，不過係迷你版，所以一樣咁香口好味
呢個扒没有飯、意粉、著菜跟，但有舊薯蓉伴碟。由於太飽，所以只食咗2啖，雖然只食咗2啖，都覺得個薯蓉下次值得留肚再食。因為同餐湯一樣，都會有啲薯蓉粒粒，增加0趙口…
最後就係好朋友最愛既甜品：心太軟
一吉落去朱古力漿爆發，中間仲夾著金沙呢，真花心思。呢個心太較絕對唔同出面果啲得一丁點既朱古力漿，內裏既朱古力漿多到我的好朋友嫌膩，食咗一半就算…反而我就食哂…食哂整個心太軟真係好膩
Post
