Video
Read full review
2017-12-19
36 views
今晚同女朋友去左中環食霸嗎拉麵, 其實女友想食呢間好耐架喇, 不過之前一係就太多人唔想等, 一係就時候唔岩. 今次諗住食完之後順邊去附近行下街, 所以就一齊黎左食霸嗎拉面. 去到還是比較人多, 但等了一陣還是終於到我地.由於天氣凍個人好易肚餓的關係, 一坐下我們就立刻睇 menu, 我們都很喜歡吃豚肉的, 所以這裡的招牌炙燒豚肉拉麵便是我們的不二之選. 女友點了炙燒豚肉海苔味玉拉麵, 而我就 order 了特盛炙燒豚肉拉麵.落 order 的點菜單也很有心思, 例如麵身可以選軟硬, 油蔥旬這些配料也可以選擇多寡的. 很是體貼. 隔左一陣侍應把兩碗麵都端上, 首先我認為自己果碗特盛炙燒豚肉拉麵真係分量好大! 而且豚肉塊真是很香, 喜歡食豚的朋友一定好 ok, 同埋湯底真係好飲到我把整個湯底都飲乾. 另外, 豚肉係燒完之後邊位有少少脆口, 然後肉感鬆軟, 又大塊, 好好味!! 另外, 我地又叫了一碟雞叉燒, 雞肉好嫩好好食, 有輕微甜味, 肉質又厚又嫩滑. 我絕對會再為呢個雞叉燒而再黎食過返尋味.最後, 雖然天寒地凍, 不過都係比個日本芝麻雪糕引倒我, 個雪糕有好濃既芝麻味道, 絕對唔係果
今晚同女朋友去左中環食霸嗎拉麵, 其實女友想食呢間好耐架喇, 不過之前一係就太多人唔想等, 一係就時候唔岩. 今次諗住食完之後順邊去附近行下街, 所以就一齊黎左食霸嗎拉面. 去到還是比較人多, 但等了一陣還是終於到我地.
由於天氣凍個人好易肚餓的關係, 一坐下我們就立刻睇 menu, 我們都很喜歡吃豚肉的, 所以這裡的招牌炙燒豚肉拉麵便是我們的不二之選. 女友點了炙燒豚肉海苔味玉拉麵, 而我就 order 了特盛炙燒豚肉拉麵.
落 order 的點菜單也很有心思, 例如麵身可以選軟硬, 油蔥旬這些配料也可以選擇多寡的. 很是體貼. 隔左一陣侍應把兩碗麵都端上, 首先我認為自己果碗特盛炙燒豚肉拉麵真係分量好大! 而且豚肉塊真是很香, 喜歡食豚的朋友一定好 ok, 同埋湯底真係好飲到我把整個湯底都飲乾. 另外, 豚肉係燒完之後邊位有少少脆口, 然後肉感鬆軟, 又大塊, 好好味!!
另外, 我地又叫了一碟雞叉燒, 雞肉好嫩好好食, 有輕微甜味, 肉質又厚又嫩滑. 我絕對會再為呢個雞叉燒而再黎食過返尋味.
最後, 雖然天寒地凍, 不過都係比個日本芝麻雪糕引倒我, 個雪糕有好濃既芝麻味道, 絕對唔係果種得個香字既芝麻雪糕, 我諗應該真係來自日本o架~ =)
Post
