割烹 櫓杏 (iSQUARE國際廣場)

Open Now

Now Closed

前幾日同同細路仔去咗尖沙咀嘅【割烹 櫓杏】食晚餐，揀咗佢哋嘅 Omakase set。餐廳氣氛好靜，啱晒一家人坐低慢慢享受，份量唔會太多，但每一道都好用心整，食得幾滿意。海膽壽司 一開場就俾人一個驚喜，海膽好新鮮，帶住少鲜甜味，配埋微酸嘅壽司飯，一啖入口，啲味道好均衡，食得好舒服。 連根饅頭 嘅創意都幾特別，連根煎到外皮微脆，配埋香甜嘅醬汁，搵啲饅頭吸住啲汁，一啖啖好滿足，連細路仔都話好食！ 熊本天草の鮮魚刺身 擺盤靚到似藝術品，魚肉切得厚薄啱啱好，入口清甜無腥味，新鮮到完全唔需要多餘嘅調味，真係好出色！最後嘅 低溫慢煮牛 真係好驚喜，牛肉煮到入口即化，肉汁鎖得啱啱好，味道香濃但唔會膩，老公食完仲話想再叫多份。當晚一家人一邊食一邊講笑，氣氛好溫馨，特別係細路仔都話下次想再嚟，真係好滿足！呢度啲菜式雖然唔花巧，但食材實在，啱晒一家人慢慢享受晚餐 。CP值唔錯，值得推介！