泰誇張

Open Now

Now Closed

阿媽而家住喺隔籬嗰間老人院，所以近近地帶佢過嚟食。整體來講，食物一般。唔知係咪叫錯嘢食啦。小食拼盤：分別係炸魚餅、炸蝦餅、春卷（素）、炸雞。靚就靚但味道冇乜驚喜，荷葉包住嗰個係一大舊炸雞肉，但係雞肉冇乜味，最好係春卷，裏面係菜同粉絲。串燒（雞）：六串可以有唔同嘅配搭（牛、豬、雞），我六串到揀咗雞肉，串燒係呢餐最好食嘅，烤得都好香，沙嗲汁都惹味，又有花生碎。應該係有六串嘅但嚟到時我見到只有五串，所以同佢講，之後有加返一串俾我。不過阿媽話有啲咸。（雖然用QR code落單嘅時候我已經寫咗less salty, 不過啲肉可能一早醃左，所以都冇得再調較味道）泰式乾炒牛河：變到河粉好闊，原本以為好正，點知超級林，一pad pad咁，overcooked 口感唔好，已經冇咗「乾炒」嘅感覺, 選蝦要加$20。呢碟嘢成舊水就唔值。總結：下次想食泰國嘢，都係出返銅鑼灣比較好。呢度係靚嘅，純粹打卡就一流。